يراكتىڭ ناسيرييا قالاسىندا اۋرۋحانانىڭ كوروناۆيرۋس جۇقتىرعانداردى ەمدەيتٸن بٶلٸمٸ ٶرتەنٸپ, كەمٸندە 52 ادام قازا بولدى. مامانداردىڭ بولجامىنا قاراعاندا, ٶرتتٸڭ شىعۋىنا وتتەگٸ باللونىنىڭ جارىلۋى سەبەپ بولۋى مٷمكٸن.
دەنساۋلىق ساقتاۋ باسقارماسىنىڭ باسپاسٶز حاتشىسى حايدار از-زاميلي 13 شٸلدەدە تاڭەرتەڭ 52 ادامنىڭ مەيٸتٸ تابىلعانىن حابارلادى. 22 ادام جاراقاتتانعان.
"ٸزدەۋ جۇمىستارى جالعاسىپ جاتىر. ٷيٸندٸ استىندا قالعاندار نەمەسە عيمارات ٸشٸنە قامالىپ قالعاندار بولۋى مٷمكٸن" دەدٸ ول.
12 شٸلدەدە دەنساۋلىق ساقتاۋ سالاسى ماماندارى ٶرت سٶندٸرٸلگەنٸن حابارلادى.
يراك پرەمەر-مينيسترٸ مۋستافا ەل-كازىمي كەڭسەسٸ تاراتقان حابارلامادا ٷكٸمەت باسشىسىنىڭ مينيسترلەرمەن تٶتەنشە كەزدەسۋ ٶتكٸزٸپ, دەنساۋلىق ساقتاۋ جەنە قورعانىس سالاسىنداعى بٸرقاتار شەنەۋنٸكتەردٸ, ونىڭ ٸشٸندە اۋرۋحانا بٶلٸمٸنٸڭ جەتەكشٸسٸن قاماۋعا الۋدى تاپسىرعانى جازىلعان. اقپارات اگەنتتٸكتەرٸنٸڭ جازۋىنشا, اۋرۋحانا پالاتاسىندا وتتەگٸ باللونىنىڭ جارىلۋى ٶرتكە سەبەپ بولۋى مٷمكٸن.
سەۋٸر ايىندا باعدات قالاسىندا كوروناۆيرۋس جۇقتىرعانداردى ەمدەيتٸن اۋرۋحانادا وتتەگٸ باللونى جارىلىپ, كەمٸندە 82 ادام قازا بولعان, 110 ادام جاراقات العان.
رەسمي مەلٸمەت بويىنشا, ٸندەت باستالعالى بەرٸ يراكتا 1,4 ميلليوننان استام ادام كوروناۆيرۋس اۋرۋىنا شالدىققان, 17 500-دەن استامى قايتىس بولعان.
