يراكتىڭ قاۋٸپسٸزدٸك كٷشتەرٸ باعدادتا بيلٸككە قارسى نارازىلىققا قاتىسقان - كەمٸندە التى ادامدى, باسرا قالاسىندا تٶرت ادامدى اتىپ ٶلتٸردٸ.
دەنساۋلىق ساقتاۋ سالاسىنداعى قۇپييا دەرەككٶزدٸڭ حابارلاۋىنشا, 7 قاراشادا پوليتسييامەن قاقتىعىستا ونداعان ادام جارالانعان. بەيسەنبٸ كٷنٸ نارازىلار ساياسي ەليتانى بيلٸكتەن باس تارتۋعا مەجبٷرلەپ, قىسپاققا العان.
باعدادتا شۋحاد كٶپٸرٸ اۋماعىندا پوليتسييا نارازىلارعا وق اتىپ, شامامەن 35 ادام جارالانعان. پوليتسييا ٷكٸمەت پەن ەلشٸلٸكتەردٸڭ عيماراتى ورنالاسقان ەرەكشە قورعاۋداعى "جاسىل ايماققا" ٶتۋگە تىرىسقان نارازىلاردىڭ جولىن جاپقان.
يراكتىڭ مۇنايلى ٶڭٸرٸ باسرا قالاسىندا پوليتسييا بٸرنەشە اپتادان بەرٸ قارسىلىق اكتسيياسىن جالعاستىرىپ جاتقان نارازىلارعا وق اتىپ, كەمٸندە تٶرت ادام ٶلدٸ. يراكتىڭ ٶزگە اۋداندارىندا دا قاقتىعىس بولعانى حابارلاندى.
يراكتا بيلٸككە قارسى اكتسييالار بٸرنەشە اپتا بۇرىن باستالعان. نارازىلىق باستالعالى بەرٸ 200-دەن استام ادام قازا تاپقان. نارازىلىققا مۇنايعا باي مەملەكەتتەگٸ جەمقورلىق, جۇمىسسىزدىق پەن قوعامدىق قىزمەت ساپاسىنىڭ ناشارلىعى سەبەپ بولدى. يراك بيلٸگٸ نارازىلاردىڭ تالاپتارىن ەسكەرۋگە ۋەدە بەرٸپ, نارازىلارعا ارتىق كٷش قولدانعانىن مويىنداعان.
