فوتو: Pexels.com
كٷنٸ كەشە ولجاس بەكتەنوۆ جۇمىسشى كادرلار ٷشٸن يپوتەكالىق جەنە جالعا بەرٸلەتٸن تۇرعىن ٷيدٸڭ جەڭٸلدەتٸلگەن باعدارلامالارىن ٸسكە قوسۋ مەسەلەلەرٸن پىسىقتاۋدى تاپسىردى. بۇل قانداي باعدارلاما بولاتىنى, شارتتارى مەن ٸسكە قوسىلاتىن ۋاقىتى ەلٸ بەلگٸسٸز. ٶز كەزەگٸندە «وتباسى بانك» قازاقستاندا قاراپايىم جۇمىسشىلارعا ارنالعان جەڭٸلدەتٸلگەن يپوتەكالىق باعدارلاما بارىن مەلٸمدەدٸ.
بانكتىڭ حابارلاۋىنشا, جۇمىسشىلاردى ەلەۋمەتتٸك قولداۋعا باعىتتالعان «كورپوراتيۆتٸ ٶنٸم» دەپ اتالاتىن باعدارلاما بار كٶرٸنەدٸ. باعدارلاما اياسىندا زاۋىت جۇمىسشىلارى, ەنەرگەتيكتەر, كەنشٸلەر, مەتاللۋرگتەر, مۇنايشىلار مەن دەرٸگەرلەر, جالپى العاندا 1000-عا جۋىق ادام باسپانالى بولعان.
باعدارلاما پىسىقتالىپ جاتقاندا, Ult.kz قازٸرگٸ يپوتەكا نارىعىندا جۇمىس ٸستەپ تۇرعان باعدارلامالارعا شولۋ جاسادى.
«ناۋرىز»
جاڭا جىلدان باستاپ بۇل باعدارلاماعا بٸرقاتار ٶزگەرٸستەر ەندٸ. باستى جاڭالىق — باستاپقى جارنا 20%-دان 10%-عا دەيٸن تٷستٸ. ەندٸ پەتەر اقىسىنىڭ 10%-ىن قۇيىپ, يپوتەكا رەسٸمدەۋ مٷمكٸندٸگٸ بار. ال ەكٸنشٸ جاڭالىق – ەندٸ جوباعا قاتىسۋ ٷشٸن دەپوزيتتە كەمٸندە 2 ملن تەڭگە بولۋى قاجەت. بۇعان دەيٸنگٸ تالاپ بويىنشا 1 ملن تەڭگە ەدٸ.
شارتتارى:
- مٶلشەرلەمەسٸ: حالىقتىڭ ەلەۋمەتتٸك وسال توپتارى ٷشٸن – 7%. ال ٶزگە تۇرعىن ٷيگە مۇقتاج رەتٸندە ەسەپتە تۇرعان ازاماتتارعا – 9%;
- بەرٸلەتٸن قارىزدىڭ ەڭ جوعارى مٶلشەرٸ: استانا, الماتىدا 36 ملن تەڭگە, باسقا ٶڭٸرلەردە 30 ملن تەڭگەگە دەيٸن;
- باستاپقى جارنا: قارىز سوماسىنىڭ 10%-نان باستاپ;
- نەسيەلەۋ مەرزٸمٸ: 19 جىلعا دەيٸن.
7-20-25
1 قاڭتاردان باستاپ بۇل باعدارلاماعا دا جاڭا تالاپتار ەنگٸزٸلدٸ. ساتىپ الۋشىنىڭ (جۇبايىنىڭ دا) قازاقستان اۋماعىندا مەنشٸگٸندە سوڭعى 18 ايدا باسپانا بولماۋى كەرەك. بٸراق بۇل ساناتقا اپاتتى جاعدايدا تۇرعان, اۋماعى 15 شارشى مەتردەن اسپايتىن 1 بٶلمەلٸ جاتاقحانا سيياقتى باسپانالار كٸرمەيدٸ.
وسى باعدارلامامەن كرەديت رەسٸمدەگەن ەسكەري ماماندارعا دا بەلگٸلٸ بٸر دەڭگەيدە جەڭٸلدٸك بەرٸلەدٸ. ياعني مەرزٸمدٸ ەسكەري قىزمەتتە جٷرگەن كليەنت نەگٸزگٸ قارىزى مەن پايىزدارىن ٶتەۋ مەرزٸمٸن كەيٸنگە قالدىرا الادى. ونداي مٷمكٸندٸك ەسكەري مەرزٸم اياقتالعان سوڭ دا 60 كٷنگە دەيٸن ساقتالادى.
سونداي-اق بۇل باعدارلامامەن تەك جاڭا, بٸراق پايدالانۋعا بەرٸلگەن تۇرعىن ٷي الۋعا بولاتىنىن ەسكەرگەن جٶن.
شارتتارى:
- مٶلشەرلەمەسٸ: 7%;
- باستاپقى جارنا: پەتەر قۇنىنىڭ 20%-ىنان باستاپ;
- نەسيە مەرزٸمٸ: 25 جىلعا دەيٸن;
- تۇرعىن ٷيدٸڭ ماكسيمالدى قۇنى: استانا, الماتى جەنە قالا ماڭىنداعى اۋداندار, اقتاۋ, اتىراۋ, شىمكەنت — 25 ملن تەڭگە; قاراعاندى, تٷركٸستان — 20 ملن; باسقا ايماقتار — 15 ملن.
«ۇماي»
رەسمي تابىسى بار جۇمىس ٸستەيتٸن ەيەلدەرگە ارنالعان «ۇماي» يپوتەكالىق باعدارلاماسى بيىل قايتا ٸسكە قوسىلدى. الايدا باعدارلاماعا قاتىسۋ تالابى ٶزگەردٸ. ەندٸ كٸرٸستٸڭ ماكسيمالدى سوماسى – 900 000 تەڭگەدەن استام. بۇل باعدارلامامەن 50 ملن تەڭگەگە دەيٸن قارىز الۋعا بولادى. ول قارىزدى ٷي الۋعا دا, جٶندەۋ جۇمىستارىنا دا پايدالانۋ مٷمكٸندٸگٸ بار. سونداي-اق زاەمدار جاڭا ٷيلەر مەن قايتالاما نارىقتان تۇرعىن ٷي ساتىپ الۋعا دا بەرٸلەدٸ. سونىڭ ٸشٸندە باسپانانى ٷلەستٸك قاتىسۋ شارتى بويىنشا دا الۋعا بولادى.
شارتتارى:
- مٶلشەرلەمەسٸ: 14,4% (جىلدىق تيٸمدٸ سىياقى مٶلشەرلەمەسٸ 15,4% باستاپ), كەيٸن 3,5%-5% دەيٸن تٶمەندەيدٸ (جتسم 3,6% باستاپ);
- بەرٸلەتٸن قارىزدىڭ ەڭ جوعارى مٶلشەرٸ: 30 ملن تەڭگەگە دەيٸن;
- باستاپقى جارنا: 20%-دان باستاپ;
- نەسيەلەۋ مەرزٸمٸ: 6 ايدان 25 جىلعا دەيٸن.
ەلەۋمەتتٸك وسال توپتارعا ارنالعان باعدارلامالار
«باقىتتى وتباسى» باعدارلاماسى
«باقىتتى وتباسى» باعدارلاماسى كٶپبالالى جەنە از قامتىلعان وتباسىلارعا, مٷگەدەك بالالاردى تەربيەلەپ وتىرعان وتباسىلارعا ارنالعان. باعدارلاما بويىنشا باستاپقى جەنە قايتالاما نارىقتان باسپانا ساتىپ الۋعا نەمەسە جەكە ٷي سالۋعا بولادى.
شارتتارى:
- مٶلشەرلەمەسٸ: جىلدىق 2%.
- باستاپقى جارنا: 10%-دان باستاپ.
- بەرٸلەتٸن قارىزدىڭ ەڭ جوعارى مٶلشەرٸ: 15 ملن تەڭگەگە دەيٸن.
«شاڭىراق» (5-10-20) باعدارلاماسى
«وتباسى بانك» ارقىلى جٷزەگە اسىرىلاتىن بۇل باعدارلاما مەملەكەتتٸك تۇرعىن ٷي كەزەگٸندە تۇرعان ازاماتتارعا ارنالعان.
شارتتارى:
- مٶلشەرلەمەسٸ: جىلدىق 5%.
- باستاپقى جارنا: 10%-دان باستاپ.
- نەسيە مەرزٸمٸ: 20 جىلعا دەيٸن.
"سەرٸكتەستٸك باعدارلامالار"
قۇرىلىس كومپانييالاردىڭ دەرلٸگٸ كليەنتتەرٸنە ارنايى «سەرٸكتەستٸك باعدارلامالار» اياسىندا يپوتەكا ۇسىنادى. ەدەتتە ول يپوتەكالاردىڭ جىلدىق پايىزدىق مٶلشەرلەمەسٸ نارىقتاعى ەكٸنشٸ دەڭگەيلٸ بانكتەر ۇسىناتىن ستاندارتتى مٶلشەرلەمەلەردەن ەدەۋٸر تٶمەن بولادى. سوندىقتان قۇرىلىس كومپانيياسىنا ٷي ٸزدەپ بارعان كەزدە بۇل مٷمكٸندٸكتٸ قاراستىرىپ كٶرگەن جٶن.
ەگەر سەنٸمدٸلٸگٸ نارىقتا دەلەلدەنگەن كومپانييانى تاڭداساڭىز, قۇرىلىسى جاڭا باستالعان ٷيدەن ەلدەقايدا تٶمەن باعادا پەتەر ساتىپ الۋعا بولادى.
پەتەردٸ ماكەتتەگٸ جوسپارلاۋ بويىنشا تاڭداعاننان كەيٸن ٷي قۇنىنىڭ 20%-ىن باستاپقى جارنا رەتٸندە تٶلەپ, پەتەردٸ الدىن الا «برونداۋ» ارقىلى باعانى بەكٸتٸپ قوياسىز. بۇل تەسٸل ٸرگەتاسى ەندٸ قالانىپ جاتقان ٷيدەگٸ پەتەردٸڭ قولايلى باعاسىن ساقتاپ قالۋعا مٷمكٸندٸك بەرەدٸ. كەيٸن قۇرىلىس كومپانيياسى ۇسىنعان سەرٸكتەستٸك باعدارلامالار اياسىنداعى بانكتەردٸڭ پايىزدىق مٶلشەرلەمەلەرٸن سالىستىرا وتىرىپ, ەڭ تيٸمدٸ يپوتەكانى تاڭداۋىڭىزعا بولادى.
