2021 جىلدىڭ 8 ايىندا يپوتەكا بويىنشا 1,2 ترلن تەڭگەنٸڭ 97,2 مىڭنان استام كەلٸسٸمشارتى رەسٸمدەلدٸ. بۇل بىلتىرعىدان 2 ەسە كٶپ, دەپ حابارلايدى قازاقپارات بٸرٸنشٸ كرەديت بيۋروسىنا سٸلتەمە جاساپ.
«2021 جىلى يپوتەكالىق نەسيە بەرۋ ەكٸ ەسەگە ارتتى. 8 اي ٸشٸندە قازاقستاندا جالپى سوماسى 1,2 ترلن تەڭگەگە جۋىق 97,2 مىڭنان استام كەلٸسٸمشارت رەسٸمدەلدٸ. بۇل بٸر جىل بۇرىنعىعا قاراعاندا ەدەۋٸر كٶپ. بەرٸلگەن كرەديتتەر سانى 62%, ال ولاردىڭ كٶلەمٸ 2 ەسەدەن استام ٶستٸ. قازاقستاندىقتار كٶبٸنەسە بٸر يپوتەكانى ٶتەي سالىپ, ەكٸنشٸسٸن الادى. بيىل 4,1 مىڭنان استام ادام وسىنداي يپوتەكا رەسٸمدەگەن», - دەلٸنگەن بيۋرو حابارلاماسىندا.
ساراپشىلار 2021 جىلدىڭ 8 ايىنداعى قورىتىندى بويىنشا ساتىپ الۋ-ساتۋ مەمٸلەلەرٸنٸڭ سانى 370 مىڭنان اسقانىن ايتادى. بۇل 2020 جىلدىڭ سەيكەس كەزەڭٸمەن سالىستىرعاندا 2,1 ەسە كٶپ.
«قازاقستاندىقتاردىڭ زەينەتاقى جيناقتارىنىڭ بٸر بٶلٸگٸن پايدالانۋعا مٷمكٸندٸگٸ پايدا بولعانى سەرپٸن بەرگەنٸ انىق. 7 اي ٸشٸندە بجزق-دان تۇرعىن ٷي جاعدايلارىن جاقسارتۋ ٷشٸن الۋشىلاردىڭ شوتتارىنا 1,76 ترلن تەڭگە اۋدارىلدى. بۇل سومانىڭ شامامەن 70%-ى تۇرعىن ٷي ساتىپ الۋ كەزٸندە تولىق ەسەپتەۋگە باعىتتالعان. 10%-دان استامى يپوتەكالىق قارىز الۋ ٷشٸن پايدالانىلعان», - دەپ جازادى تالداۋ ورتالىعى.
تالداۋعا سٷيەنسەك, كەيٸنگٸ 12 ايدا مەرزٸمٸ ٶتكەن يپوتەكالىق نەسيەنٸڭ كٶلەمٸ 310,5 ملرد تەڭگەدەن 216,5 ملرد تەڭگەگە دەيٸن ازايعان.
