ەنەرگەتيكا مينيسترلٸگٸ «Total» كومپانيياسىمەن دوڭعا كەن ورنى بويىنشا ٶنٸمدٸ بٶلۋ تۋرالى شارتتىڭ مەرزٸمٸن 2024 جىلدان 2039 جىلعا دەيٸن ۇزارتتى, دەپ حابارلايدى قازاقپارات.
ۆەدومستۆو باسشىسى ماعزۇم مىرزاعاليەۆ ٷكٸمەت وتىرىسىندا وسىلاي دەپ مەلٸمدەدٸ.
«ماڭعىستاۋ وبلىسىنىڭ ەلەۋمەتتٸك-ەكونوميكالىق دامۋىنىڭ 2021 – 2025 جىلدارعا ارنالعان كەشەندٸ جوسپارى بويىنشا مينيسترلٸك بٸرقاتار ٸس-شارالاردى ٸسكە اسىرادى. بٸرٸنشٸدەن, مينيسترلٸك «Total» كومپانيياسىمەن دوڭعا كەن ورنى بويىنشا ٶنٸمدٸ بٶلۋ تۋرالى شارتتىڭ مەرزٸمٸن 2024 جىلدان 2039 جىلعا دەيٸن ۇزارتتى. ەسەسٸنە «Total» كومپانيياسى 2021-2025 جىلدارى شامامەن 70 ملرد تەڭگە ينۆەستيتسييا قۇيادى. نەتيجەسٸندە كومپانييا مۇناي ٶندٸرۋ دەڭگەيٸن 25% ارتتىرۋدى قامتاماسىز ەتەدٸ», - دەدٸ مينيستر.
ونىڭ ايتۋىنا قاراعاندا, كەلٸسٸمنٸڭ ۇزارتىلۋى مۇناي ٶندٸرٸسٸنٸڭ كٶلەمٸن قازٸرگٸ جىلىنا 680 مىڭ توننادان 860 مىڭ تونناعا دەيٸن ارتتىرىپ, قۇرىلىس كەزٸندە 400-گە جۋىق جۇمىس ورنىن قۇرادى.
«ەكٸنشٸدەن, «قازمۇنايگاز» كومپانيياسى ٶزەن, جەتٸباي جەنە قالامقاس كەن ورىندارىنا ٸرگەلەس ۋچاسكەلەردە قوسىمشا گەولوگييالىق بارلاۋ جۇمىسىن جٷرگٸزەدٸ. وسىلايشا, بەكتۇرلى, شىعىس جەنە ٶزەن-قاراماندىباس ۋچاسكەلەرٸندە 26 ملرد تەڭگە سوماسىنا گەولوگييالىق بارلاۋ جۇمىسىن جٷرگٸزۋ جوسپارلانعان», - دەدٸ ماعزۇم مىرزاعاليەۆ.
