قازاقستاندا ينسۋلتتان قايتىس بولعان ەر ادامنىڭ دەنە مٷشەلەرٸ 5 ادامعا سەتتٸ اۋىستىرىلدى. وتا قازاقستاننىڭ بٸرنەشە حيرۋرگييالىق ورتالىعىندا جاسالدى, دەپ حابارلايدى قازاقپارات.
دونوردىڭ باۋىرى ا.سىزعانوۆ اتىنداعى ۇلتتىق عىلىمي حيرۋرگييالىق ورتالىعىنا جەتكٸزٸلدٸ.
«وتا دٷيسەنبٸ كٷنٸ جاسالدى. تٷسكٸ 13:00 شاماسىندا باۋىر پاۆلوداردان جەتكٸزٸلدٸ. ياعني, مەن باۋىردى 15:00 شاماسىندا اۋىستىردىم. بۇل ٶتە كٷردەلٸ ورگان بولعاندىقتان, وپەراتسييا 6 ساعاتقا سوزىلدى. ورگان 38 جاستاعى باۋىر تسيرروزىنا شالدىققان ەر ادامعا سالىندى. قازٸر ناۋقاس جانساقتاۋ بٶلٸمٸندە جاتىر. دەرٸگەرلەر جاعدايىن باقىلايدى. اعزا بٶتەن ورگاندى قابىلداماۋى دا مٷمكٸن», - دەدٸ ا.سىزعانوۆ اتىنداعى ۇلتتىق عىلىمي حيرۋرگييالىق ورتالىعى اق باسقارما تٶراعاسى بولاتبەك بايماحانوۆ.
ونىڭ ايتۋىنشا, قايتىس بولعان ادامنىڭ مٷشەلەرٸن الۋ ٷشٸن تۋىستارىنان قر «حالىق دەنساۋلىعى جەنە دەنساۋلىق ساقتاۋ جٷيەسٸ» كودەكسٸنە سەيكەس رۇقسات الىنعان.
«قايتىس بولعان جٸگٸتتەن ٶكپەسٸ, جٷرەگٸ, باۋىرى, 2 بٷيرەگٸ الىندى. ول جٸگٸت ينسۋلتتان كٶز جۇمعان بولاتىن. ترانسپلانتاتسييا بٸرنەشە قالادا ٶتتٸ. بٸر ادامنىڭ مٷشەلەرٸ بٸرنەشە ادامنىڭ ٶمٸرٸن قۇتقاردى», - دەدٸ ول.
ونىڭ ايتۋىنشا, وتا تەگٸن جاسالعان.
«قازاقستان ازاماتتارىنا وتا تەگٸن جاسالادى, ال شەتەلدٸكتەرگە - اقىلى. قازٸر قالادا 500-گە جۋىق پاتسيەنت ترانسپلانتاتسيياعا مۇقتاج. بۇل تٸزٸم جيٸ ٶزگەرٸپ تۇرادى», - دەدٸ ول.
بولاتبەك بايماحانوۆ وتاندىق دەرٸگەرلەردٸڭ كەسٸبي بٸلٸكتٸلٸگٸن جوعارى باعالادى.
«بٸز بٸرنەشە جىلدان بەرٸ ترانسپلانتولوگييامەن اينالىسىپ كەلەمٸز. اينالاسى 6 ساعات ٸشٸندە ورگاندى الىپ, مۇقتاج ادامعا اۋىستىرىپ ٷلگەرۋ - ەلەمدٸك دەڭگەي دەسە دە بولادى. مۇنداي نەتيجە ەۋروپانىڭ كەيبٸر ەلدەرٸ, تٸپتٸ اقش پەن جاپونييادا جوق», - دەدٸ مامان.
پروفەسسور قازاقستاندا الماتى, نۇر-سۇلتان, شىمكەنت, اقتٶبە قالالارىندا عانا ترانسپلانتاتسييا جاسالاتىنىن ايتتى. بٷيرەكتٸ بارلىق قالانىڭ ماماندارى اۋىستىرسا, باۋىردى تەك ەكٸ قالادا, بٸر قالادا جٷرەك پەن ٶكپەنٸ اۋىستىرادى.
