قۇرلىق ەسكەرلەرٸ ەسكەري ينستيتۋتى بٸتٸرۋشٸ كۋرسىنىڭ كۋرسانتتارى ٶزدەرٸنٸڭ ماماندىقتارى بويىنشا دالالىق پراكتيكالىق ساباقتاردان ٶتتٸ, دەپ حابارلايدى قر قورعانىس مينيسترلٸگٸنٸڭ باسپاسٶز قىزمەتٸ.
بولاشاق وفيتسەرلەر ٸس جٷزٸندە العان تەورييالىق بٸلٸمدەرٸن پىسىقتاپ, ەسكەري تەحنيكانى باسقارا الۋ شەبەرلٸكتەرٸن پاش ەتتٸ جەنە سۋ بٶگەتتەرٸن ۇرىس ماشيناسىمەن ەڭسەرۋدٸڭ بارلىق مٷمكٸندٸكتەرٸن زەردەلەدٸ.
قۇراما ەكيپاجدار قۇرامىندا ولار جاياۋ ەسكەردٸڭ جاۋىنگەرلٸك ماشينالارى مەن ت-72 تانكتەرٸندە 100 شاقىرىمدىق مارش جاسادى. ارنايى ول ٷشٸن ەسكەري ينستيتۋتتىڭ وقۋ-جاتتىعۋ ورتالىعىندا كٶرسەتٸلٸم ساباقتارى ۇيىمداستىرىلدى.
كۋرسانتتار جاۋىنگەرلٸك ماشينالاردى جٷرگٸزۋ, كٷردەلٸ جاعدايدا مانەۆرلەۋ, ەرتٷرلٸ كەدەرگٸلەردٸ ەڭسەرۋدە تاباندىلىق پەن باتىلدىقتى پاش ەتتٸ.
«مارشتى ۇيىمداستىرۋ مەن ٶتكٸزۋدٸ زەردەلەۋ كەزەڭ-كەزەڭٸمەن ٶتەدٸ. بٸرٸنشٸ كۋرستا كۋرسانتتار بٶلٸمشە كومانديرٸنٸڭ جۇمىسى دەڭگەيٸندە, ەكٸنشٸ جەنە ٷشٸنشٸ كەزەڭدە ۆزۆود جەنە روتا كومانديرٸ دەڭگەيٸندە قاجەتتٸ مەسەلەلەردٸ زەردەلەيدٸ. بولاشاق وفيتسەرلەر 100 شاقىرىمدىق مارشتى وقىتۋدىڭ سوڭعى تٶرتٸنشٸ كۋرسىندا باتالون كومانديرٸ اۋقىمىندا ٶتكٸزٸلەدٸ», - دەدٸ قۇرلىق ەسكەرلەرٸ ەسكەري ينستيتۋتى وقۋ بٶلٸمٸنٸڭ باستىعى پودپولكوۆنيك جەنٸبەك سارعازين.
پراكتيكالىق ساباقتار وقىپ-ٷيرەنۋشٸلەردٸڭ تاكتيكالىق, اتىس جەنە ەدٸستەمەلٸك ماشىعىن ارتتىرۋعا ىقپال ەتەتٸنٸن, ۇرىستى ۇيىمداستىرۋ مەن جٷرگٸزۋدەگٸ قابٸلەتتەرٸن جەتٸلدٸرەتٸنٸن ايتا كەتكەن جٶن. كۋرسانتتار ەسكەرلەرگە قىزمەت ەتۋگە جوعارى دەڭگەيدەگٸ كەسٸبي دايىندىقپەن, وفيتسەرلەر ٷشٸن قاجەتتٸ بٸلٸم جەنە داعدىمەن اتتانادى.
