جامبىل وبلىسىندا Instagram ارقىلى ەيەلدەر كيٸمٸنە تاپسىرىس قابىلداپ, جەلٸ قولدانۋشىلارىنان 2 ملن تەڭگەدەن استام اقشا الداپ العان ازاماتشاعا سوت ٷكٸم شىعاردى, دەپ حابارلايدى "ۇلت اقپارات".
ٸشكٸ ٸستەر مينيسترلٸگٸ تەرگەۋ دەپارتامەنتٸنٸڭ باستىعى سانجار ەدٸلوۆتٸڭ ايتۋىنشا, كٷدٸككە ٸلٸنگەن ازاماتشا - 1995 جىلى تۋعان جامبىل وبلىسىنىڭ تۇرعىنى.
«ونىڭ وڭاي اقشا تابۋ ٷشٸن Instagram ارقىلى ەيەلدەر كيٸمٸنە تاپسىرىس قابىلداپ, ورىنداماعانى بەلگٸلٸ بولدى. ەلەۋمەتتٸك جەلٸدە ساتىلاتىن كيٸمدەردٸڭ كاتالوگىن جارييالايتىن اككاۋنت اشىپ, جالعان حابارلاندىرۋ ٸلگەن. ونىڭ قولىندا حابارلاندىرۋدا كٶرسەتٸلگەن تاۋاردىڭ ەشبٸرٸ بولماعان. سٶيتە تۇرىپ, تاۋاردىڭ باعاسىن 100 پايىز كٶلەمٸندە الدىن الا تٶلەم قابىلداپ, كۋرەر ارقىلى جولداۋعا ۋەدە بەرگەن. كۋرەرلٸك قىزمەت تاپسىرىستى بٸر اپتانىڭ ٸشٸندە جەتكٸزەتٸنٸن پايدالانىپ, بٸرنەشە كٷن بويى الاياقتىعىن ەش كەدەرگٸسٸز جالعاستىرىپ كەلگەن», - دەيدٸ ٸٸم ٶكٸلٸ.
وسى ۋاقىت ٸشٸندە كٷدٸكتٸنٸڭ قۇرىعىنا 40-تان استام ادام ٸلٸنگەن.
«كٷدٸكتٸنٸڭ قىلمىستىق ەرەكەتٸنٸڭ كەسٸرٸنەن 40-تان استام ادام الدانعان. ماتەريالدىق شىعىننىڭ جالپى كٶلەمٸ 2 ملن تەڭگەدەن اسادى. قىلمىستىق ٸس سوتقا جولدانىپ, سوت ٷكٸمٸمەن ازاماتشا 3,5 جىلعا باس بوستاندىعىنان ايىرىلدى», - دەدٸ سانجار ەدٸلوۆ.
