ينفلياتسييانىڭ 50 پايىزدان استامى ازىق-تٷلٸك تاۋارلارى باعاسىنىڭ ٶسۋٸنە تيەسٸلٸ بولىپ وتىر.
بۇل تۋرالى ٷكٸمەت وتىرىسىندا ينفلياتسيياعا قارسى دەن قويۋ شارالارىنىڭ كەشەنٸن تالقىلاۋ كەزٸندە ۇلتتىق ەكونوميكا مينيسترٸ ەسەت ەرعاليەۆ مەلٸم ەتتٸ, دەپ حابارلايدى قازاقپارات.
«جاھاندىق پاندەمييا بٷكٸل ەلەمدەگٸ ينفلياتسييالىق پروتسەستەرگە قىسىم جاسايتىن بۇرىن-سوڭدى بولماعان ماكروەكونوميكالىق سوققىعا اينالدى. لوگيستيكالىق تٸزبەكتەردٸڭ بۇزىلۋى, سۇرانىستاعى قۇرىلىمدىق ٶزگەرٸستەر, ەكونوميكانى قولداۋعا باعىتتالعان ەكسپانسييالىق مونەتارلىق جەنە فيسكالدىق باعدارلامالاردى قابىلداۋ جەنە باسقا دا ترەندتەردٸڭ ەسەرٸنەن بٷگٸنگٸ كٷنٸ ينفلياتسييانىڭ ٶسۋٸ بٷكٸل ەلەمدە بايقالدى. نەتيجەسٸندە, حالىقارالىق قارجى ۇيىمدارى 2021 جىلى ينفلياتسييانىڭ بٷكٸل ەلەمدە 3,9%-عا جەدەلدەۋٸن بولجايدى. قازاقستاندا بييالعى تامىزدا ينفلياتسييانىڭ اي سايىنعى ٶسۋٸ 0,5%-دى قۇرادى», - دەدٸ ە. ەرعاليەۆ.
ونىڭ ايتۋىنشا, ماۋسىمارالىق فاكتورلار جەنە كەيٸنگە قالدىرىلعان سۇرانىس ەسەرٸنەن اقىلى قىزمەتتەر ەرٸ ازىق-تٷلٸك ەمەس تاۋار باعالارىنىڭ ٶسۋٸنٸڭ ٷلەسٸ ارتتى. وسىنىڭ سالدارىنان, اقىلى قىزمەتتەر بويىنشا باعالاردىڭ ٶسۋٸ 0,8%, ازىق - تٷلٸك ەمەس تاۋارلار بويىنشا - 0,6%, ازىق-تٷلٸك تاۋارلارى بويىنشا 0,1% قۇرادى.
«جىلدىق ەسەپتەۋدە قازاقستاندا ينفلياتسييا 8 ايدىڭ قورىتىندىسى بويىنشا 8,7%-دى قۇرادى جەنە تاريحي قالىپتاسقان قۇرىلىمعا سەيكەس, ونىڭ 50%-دان استامى ازىق-تٷلٸك تاۋارلارى باعاسىنىڭ ٶسۋٸنە تيەسٸلٸ بولىپ وتىر», - دەدٸ مينيستر.
