قازاقستاندا Hyundai كومپانيياسىمەن بٸرگە اۆتوكٶلٸك شىعارۋ جوباسى قولعا الىندى.
بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ رومان سكليار ايتتى, دەپ حابارلايدى قازاقپارات تٸلشٸسٸ.
«ماشينا جاساۋ سالاسىندا اشىلعان بٸر جۇمىس ورنى ٸلەسپە سالالاردا 5-6 جۇمىس ورنىن اشادى. يندۋسترييالاندىرۋ باعدارلاماسى قولعا الىنعاننان بەرٸ ماشينا جاساۋ سالاسىندا 114 جوبا ٸسكە استى. سالانى ىنتالاندىرۋ ٷشٸن ٷكٸمەت قوسىمشا قۇن سالىعى بويىنشا جەڭٸلدٸكتەر بەرٸپ, جەڭٸلدەتٸلگەن نەسيە, ليزينگ, ەكسپورتتىق قولداۋ شارالارىن ۇسىنىپ وتىر. «ٶندٸرٸستٸك كووپەراتسييا» باعدارلاماسى قولعا الىندى. وسىنىڭ ارقاسىندا وتاندىق ماشينا جاساۋ ٶنەركەسٸبٸنە «گلوبال-2000» تٸزٸمٸنە ەنەتٸن Alstom, General Electric, سمس, Jac-Motors, Hyundai سيياقتى ٸرٸ ترانسۇلتتىق كورپوراتسييالارمەن ەرٸپتەستٸك ورنادى», - دەگەن مينيستر ەكسپورت اياسىن ارتتىرۋ ٷشٸن ەلەمدٸك برەند ٶندٸرۋدٸڭ العاشقى قادامدارى جاسالىپ جاتقانىن اتادى.
«ەكسپورتقا شىعاراتىن ٶنٸم اياسى كەڭٸپ كەلەدٸ. بٸز قوسىمشا قۇننىڭ عالامدىق تٸزبەگٸنە سەتتٸ ەنە باستادىق. سەۋٸر ايىندا كوپەراتسييالىق بايلانىستىردى دامىتۋ ٷشٸن رەسەي مەن قازاقستان اراسىندا بٸرلەسكەن ەرەكەتتەر جوسپارى قابىلداندى. وسى ايدا Hyundai اۆتوميوبيلدەرٸن شىعاراتىن قازاقستانداعى تۇڭعىش زاۋىت ٸرگەسٸن قالادى. قىتايمەن سەرٸكتەستٸك اياسىندا كٶلٸك دٶڭگەلەكتەرٸ مەن قوزعالتقىشتارىن جاسايتىن زاۋىتتى ٸسكە قوسۋ جوسپارلانعان. قازٸردٸڭ ٶزٸندە ماشينا جاساۋ سالالارىنىڭ اراسىندا اۆتوموبيل ٶندٸرٸسٸ كٶش باستاپ تۇر. بۇل سٶزسٸز قۋانارلىق جايت. بٷگٸندە بٸزدە اۆتوكٶلٸكتٸڭ بارلىق ساناتى ٶندٸرٸلەدٸ. ەلٸمٸزدە 167 اۆتوموبيل مودەلٸ قۇراستىرىلادى. ونىڭ ٸشٸندە 39 جەڭٸل كٶلٸك مودەلٸ, 22 ەلەمدٸك برەند شىعارىلادى. ينۋدسترييالاندىرۋدىڭ ەكٸ بەسجىلدىعىندا ٸرٸ جەلٸلٸك قۇراستىرۋدان ۇساق جەلٸلٸك قۇراستىرۋ دەڭگەيٸنە شىقتىق. 2010 جىلدان بەرٸ ٶندٸرٸس كٶلەمٸ 8 ەسە ارتىپ, 4000 دانادان 32 مىڭ داناعا جەتتٸ. اۆتوٶندٸرٸستٸڭ ماشينا جاساۋ سالاسىنداعى ٷلەسٸ 19 پايىزدى قۇراپ وتىر. بيىل دا وسىنداي ٶسٸم دەڭگەيٸ ساقتالاتىن تٷرٸ بار. قازٸردٸڭ ٶزٸندە 56 پايىز ٶسٸمگە قول جەتكٸزٸلدٸ», -دەدٸ رومان سكليار.
