قر يندۋسترييا جەنە ينفراقۇرىلىمدىق دامۋ مينيسترلٸگٸ جولاۋشىلار ۆاگونىن ساتىپ الۋ ٷشٸن 2019 جىلدىڭ ناقتىلانعان بيۋدجەتٸنەن 18,7 ملرد تەڭگە بٶلۋدٸ سۇراپ وتىر. بۇل تۋرالى بٷگٸن 2019 جىلعا ارنالعان رەسپۋبليكالىق بيۋدجەت تۋرالى زاڭعا ٷكٸمەتتٸك ناقتىلاۋلاردى تالقىلاۋ بارىسىندا اتالعان ۆەدومستۆونىڭ ۆيتسە-مينيسترٸ بەرٸك كاماليەۆ ايتتى, دەپ حابارلايدى "ۇلت اقپارات".
«قازاقستاندا 2246 جولاۋشىلار ۆاگونى بولسا, سونىڭ بٷگٸندە 46 پايىزىنىڭ توزىعى جەتكەن. بۇل ۆاگوندار جارامدىلىق مەرزٸمٸنە بايلانىستى قولدانىستان الىنۋى تيٸس. ال بٸز ولاردى كٷردەلٸ جٶندەپ, قالپىنا كەلتٸرۋ جۇمىسىمەن اينالىسىپ جاتىرمىز. 2018 جىلى عانا ەمەس 2017 جىلى دا «قازاقستان دامۋ بانكٸ ليزينگ» ارقىلى 30 ملرد تەڭگە سوماعا ۆاگوندار ساتىپ الىپ, اقشاسىن تٶلەدٸك جەنە قازٸرگٸ ۋاقىتتا بۇل 63 ۆاگوندى الدىق. ۆاگوندار «اقتٶبە-ماڭعىستاۋ» باعىتىندا جٷرەدٸ. ولاردىڭ بارلىعى تۆەر قۇرىلىس زاۋىتىنان شىققان. ولار بٸزگە جاقسى جەڭٸلدٸك ۇسىنادى. ال بٷگٸنگٸ ناقتىلاۋدا بٸز «قدب ليزينگ» ارقىلى تاعى دا 18,7 ملرد تەڭگە سۇراپ وتىرمىز», - دەدٸ ۆيتسە-مينيستر.
ونىڭ ايتۋىنشا, ناقتىلانعان بيۋدجەتتە مينيسترلٸك ۇسىنىسى قابىل الىنىپ, 18,7 ملرد تەڭگە بٶلٸنەتٸن بولسا, وندا اتالعان قاراجاتقا جولاۋشىلار ۆاگونى ساتىپ الىنادى. ۆاگوندار «الماتى-ماڭعىستاۋ», «اقتٶبە-ماڭعىستاۋ» جەنە نۇر-سۇلتان-سارىاعاش» باعىتتارىندا جولعا شىعارىلادى. وسىلايشا اتالعان باعىتتاعى جولاۋشىلار ۆاگونىنىڭ تاپشىلىعى جويىلادى.
