يندونەزييالىق قۇتقارۋشىلار جۇما كٷنٸ سۋلاۆەسي ارالىندا 78 ادامنىڭ ٶمٸرٸن قيعان جويقىن جەر سٸلكٸنٸسٸنەن كەيٸن عيمارات ٷيٸندٸلەرٸنٸڭ استىندا قالعان ادامداردى ٸزدەۋدٸ جالعاستىرۋدا, دەپ حابارلايدى «گولوس امەريكي».
800-دەن استام ادام جاراقات العان. مىڭداعان ادامدار باسپاناسىز قالدى.
باتىس سۋلاۆەسي پروۆينتسيياسىنىڭ مامۋدجۋ اۋدانىنان وڭتٷستٸككە قاراي 36 شاقىرىم جەردە 18 كم تەرەڭدٸكتە 6,2 بالدىق جەر سٸلكٸنٸسٸ بولدى, دەپ حابارلادى اقش گەولوگييالىق قىزمەتٸ.
اۋىر تەحنيكامەن جابدىقتالعان قۇتقارۋشىلار توبى مامۋدجۋ قالاسى مەن كٶرشٸلەس مادجەنە اۋدانىندا تەۋلٸك بويى تٸرٸ قالعانداردى ٸزدەستٸرۋدە.
جۇما كٷنٸنەن باستاپ ەنەرگييامەن قامتاماسىز ەتۋ جٷيەسٸ مەن تەلەفون بايلانىسى جاقساردى, بۇل قۇتقارۋ وپەراتسيياسىنا كٶمەكتەسەدٸ.
بەيسەنبٸدە دەل وسى ايماقتا 5,9 بالدىق سۋ استى جەر سٸلكٸنٸسٸ بولىپ, بٸرنەشە ٷيگە زاقىم كەلدٸ, بٸراق ادام شىعىنى بولعان جوق.
