الماتى قالاسى ورتالىق مەشٸتٸنٸڭ باس يمامى ەركٸنبەك شوقاي رامازان ايىندا ورازا ۇستاۋعا مٷمكٸندٸگٸ جوق ازاماتتارعا كەڭەس بەردٸ, دەپ جازادى Sputnik قازاقستان.
"رامازان ايىندا ورازا ۇستاي المايتىن كٸسٸلەر بولادى. ەمٸزۋلٸ بالاسى بار نەمەسە جٷكتٸ ەيەلدەر, دەنساۋلىعى كٶتەرمەيتٸن كٸسٸلەر بار. ساپارعا شىعاتىن كٸسٸلەرگە دە شاريعاتتىڭ جەڭٸلدٸگٸ بار. ولارعا وسى رامازان ايىندا ورازالارىن اشۋىنا رۇقسات, كەيٸن دەنساۋلىقتارى ورنىنا كەلگەننەن كەيٸن, ساپاردان ورالعاننان كەيٸن ورازالارىنىڭ قازاسىن ۇستايدى", - دەدٸ يمام.
سونىمەن قاتار ورازا ۇستاۋعا مٷمكٸندٸگٸ جوق ادامدارعا ارنالعان فيدييا ساداقاسىنىڭ كٶلەمٸ 1 700 تەڭگە بولىپ بەكٸتٸلگەنٸن حابارلادى.
"بولاشاقتا مٷلدە ورازا ۇستاۋعا مٷمكٸندٸگٸ جوق ازاماتتار دا بار. سوزىلمالى اۋرۋعا شالدىققان, ٷلكەن جاستاعى قارييالارعا ورازانى ۇستاماۋعا رۇقسات, بٸراق ولار ەربٸر كٷننٸڭ ورازاسى ٷشٸن فيدييا ساداقاسىن تٶلەۋگە مٸندەتتەلەدٸ. فيدييا ساداقاسى دەگەن - بٸر كٷندٸك مٸسكٸننٸڭ تاماعى. ەلدەگٸ اسحانالارداعى تاعام باعاسىن زەرتتەي كەلە, قمدب مەن ونىڭ جانىنداعى عۇلامالار كەڭەسٸنٸڭ شەشٸمٸمەن فيدييانىڭ كٶلەمٸ 1 700 تەڭگە بولىپ بەكٸتٸلدٸ. ياعني جاعدايى تٶمەن بٸر ادامنىڭ ەكٸ مەزگٸل تويا ٸشەتٸن تاماعى. بۇل - ەڭ تٶمەنگٸ باعا", - دەدٸ ول.
سونىمەن قاتار يمام بۇعان دەيٸن قالادا جىل سايىن مەشٸت جانىندا اۋىزاشار بەرەتٸن كەسٸپكەرلەرگە تٶتەنشە جاعداي كەزٸندە قالاي كٶمەك كٶرسەتۋگە بولاتىنىن ايتتى.
"قايىرىمدى جانداردىڭ كٶمەگٸمەن جىل سايىن مەشٸت جانىندا داستارقان جايىلاتىن. بيىل بۇلاي بولمايدى. كارانتين رەجيمٸن بۇزۋعا بولمايدى, سوندىقتان زاتتى ٷيگە جەتكٸزٸپ بەرەتٸن قىزمەتتٸ قولدانۋ ارقىلى جاعدايى تٶمەن, كٶپبالالى وتباسىلارعا اۋىزاشار تاعامىن جەتكٸزۋدٸ جوسپارلاپ وتىرمىز", - دەدٸ ورتالىق مەشٸتتٸڭ باس يمامى.
