تٶرت دٷركٸن ەلەم چەمپيونى يليا يلين دەنساۋلىعىنا بايلانىستى اشحابادتا قاراشا ايىندا ٶتەتٸن اۋىر اتلەتيكادان ەلەم چەمپيوناتىنا قاتىسۋدان باس تارتتى, دەپ حابارلادى SportX.kz.
"مەن ەلەم چەمپيوناتىنا قاتىسپايتىنىمدى قازاقستان حالقىنا قالاي ايتسام ەكەن دەپ كٶپ ويلاندىم. اقىرى وسىندا جەنە قازٸر جارييالاۋدى جٶن دەپ شەشتٸم. ومىرتقامنان جاراقات تابىلۋىنا بايلانىستى ەلەم چەمپيوناتىنا قاتىسپايمىن. جاراقاتىم ايتارلىقتاي اۋىر", — دەدٸ يلين.
چەمپيون تٸپتٸ الداعى سپورتتىق كارەراسىنا دا قاۋٸپ تٶنٸپ تۇرعانىن جاسىرمادى.
"دەگەنمەن قاتتى جابىعىپ جٷرگەن جوقپىن, بارلىعى جاقسى. اشحابادقا جاتتىقتىرۋشى رەتٸندە بارامىن. نيجات راحيموۆتى تۇعىرعا شىعارامىن, ٶيتكەنٸ بٸز ونىمەن بٸر جىل بويى جۇمىس ٸستەدٸك. زۋلفييا چينشانلومەن دە بٸرگە جاتتىقتىق. مەن باپكەرلەرگە, ٶز كومانداما كٶمەكتەسەمٸن", — دەپ تولىقتىردى ول.
يليا يلين جانكٷيەرلەرگە باس تارتۋىنىڭ سەبەبٸن تٷسٸندٸرمەي, كەتٸپ قالا الماعانىن حابارلادى.
"ەلەمدٸك اۋىر اتلەتيكا مەنٸڭ قاتىسپايتىنىمدى تٷسٸندٸ. بارلىعى تاڭعالىپ جاتىر. نە ايتايىن! ەكٸ جىل سپورتپەن اينالىسپادىم. 8-9 ايلىق دايىندىق ەلەم چەمپيوناتىنا قاتىسۋعا ازدىق ەتەدٸ. ول وڭاي شارۋا ەمەس. جاسىم بولسا 30-عا كەلدٸ, دەنساۋلىعىم سىر بەرٸپ جاتىر. سوڭعى ايدا دايىندىقتى ٷزٸپ الدىم. اعزانى قالپىنا كەلتٸرۋٸم قاجەت. بۇل جٶنٸندە باسشىلىقپەن سٶيلەسەمٸن. مەنٸ قايدا جٸبەرەتٸنٸن بٸلمەيمٸن. دەرٸگەرلەردٸڭ كەڭەسٸن جينايمىز", — دەپ تٷيٸندەدٸ ول.
ايتا كەتەيٸك, وسى جىلدىڭ قىركٷيەگٸندە يليا يلين سپورتتان شەتتەتٸلگەننەن كەيٸنگٸ العاشقى جٷلدەسٸنە قول جەتكٸزدٸ. ول تالدىقورعاندا ٶتكەن قازاقستان چەمپيوناتىن جەڭٸپ الدى. وسىدان كەيٸن جاتتىقتىرۋشىلار شتابى يليندٸ 1 قاراشادا اشحابادتا باستالاتىن 2018 جىلعى ەلەم چەمپيوناتىنا قاتىسۋعا شاقىرعان ەدٸ.
