دەنيس تەننٸڭ كٶز جۇمعانىن ەستٸگەن سپورتشى يليا يلين ەلٸ دە ٶز-ٶزٸنە كەلە الماي جاتقانىن جازدى. سپورتشىنىڭ مەزگٸلسٸز قازاسى زٸلتەمٸرشٸنٸڭ قابىرعاسىن قايىستىرىپ جٸبەرگەن.
"بٷگٸن قازاقستاندا ورىن العان قايعىلى جاعدايدان ەلٸ ٶز-ٶزٸمە كەلە الار ەمەسپٸن. بٷگٸن بٸز دانىشپان سپورتشىدان, عاجايىپ ادامنان, ٶزٸنٸڭ جاستىعىنا قاراماي بٸزدٸڭ ەلٸمٸز ٷشٸن كٶپ نەرسە جاساعان, جٷرەكتەرٸمٸزگە قۋانىش سىيلاعان ادامنان ايىرىلدىق. بٷگٸن بٸز مەنٸ ٷنەمٸ بيٸك وي-ٶرٸسٸمەن, اسقان مەدەنيەتٸمەن تاڭعالدىراتىن مەنٸڭ كٸشكەنتاي ٸنٸم - دەنيس تەندٸ جوعالتتىق. دەنيس ٷنەمٸ ماعان قاراپ بوي تٷزەيتٸنٸن ايتاتىن, الايدا وعان قاراپ مەن بوي تٷزەپ, مىقتى بولۋعا تالپىناتىنمىن. ونىڭ ەندٸ ارامىزدا جوق ەكەنٸن مويىنداۋ قانداي قيىن. دەنيستٸڭ وتباسى مەن جاقىندارىنا قايعىرىپ كٶڭٸل ايتامىن", - دەپ جازبا قالدىردى يليا يلين.
ەسكە سالا كەتسەك, بەيسەنبٸ كٷنٸ الماتىدا تانىمال مەنەرلەپ سىرعاناۋشى دەنيس تەندٸ پىشاقتاپ كەتكەنٸ حابارلاندى.
قالالىق ٸٸد باسپاسٶز قىزمەتٸنٸڭ حابارلاۋىنشا, وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن. 2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
