اۋىر اتلەتيكادان تٶرت دٷركٸن ەلەم چەمپيونى يليا يلين شىمكەنت قالاسى سپورت باسقارماسىنىڭ باسشىسى, ەكٸ ازاماتتىعى بار ولەگ پوچيۆالوۆقا اراشا تٷستٸ. قازاقستاندا پولچيۆالوۆ سەكٸلدٸ مامانداردىڭ از ەكەنٸن ايتىپ, وعان ەكٸنشٸ مٷمكٸندٸك بەرۋدٸ سۇرادى, دەپ حابارلايدى "ۇلت اقپارات".
"ولەگ پوچيۆالوۆتى قۇرمەتتەيمٸن. مەنٸڭشە, ادام ٶزگە ەلدٸڭ ازاماتتىعىن العان بولسا, قازاقستاندا تۇرىپ, جۇمىس ٸستەمەي, باياعىدا-اق سول ەلگە كەتٸپ قالار ەدٸ. ەلٸمٸزدەگٸ بٸلٸكتٸ سپورت ماماندارىن ساقتاپ قالۋعا تىرىسۋ قاجەت, ٶيتكەنٸ بٸزدە مۇنداي مامان كٶپ ەمەس. ەگەر ول كٸسٸدە رەسەي ازاماتتىعى بولماسا, ولەگ پوچيۆالوۆقا ٶڭٸردەگٸ سپورتتى دامىتۋدى جالعاستىرۋعا مٷمكٸندٸك بەرۋ كەرەك", - دەپ جازدى سپورتشى ەلەۋمەتتٸك جەلٸدەگٸ پاراقشاسىندا.
ايتا كەتەيٸك, شىمكەنت سپورت باسقارماسىنىڭ باسشىسى ولەگ پوچيۆالوۆ قازاقستان مەن رەسەي ازاماتتىعىن العانى 2020 جىلدىڭ سوڭىندا بەلگٸلٸ بولدى. سول كەزدە سپورت باسقارماسى بۇل مەلٸمەتتٸ جوققا شىعارعان.
كەيٸننەن باسقارما باسشىسىنىڭ قوس ازاماتتىعى بار ەكەنٸ انىقتالىپ, ول قازاقستان ازاماتتىعىنان ايىرىلدى.
"ازاماتتىق تۋرالى" زاڭنىڭ 21-بابىنا سەيكەس, كٶشٸ-قون قىزمەتٸ باسقارماسى ولەگ ۆلاديميروۆيچ پوچيۆالوۆتىڭ قازاقستان ازاماتتىعىنان ايىرىلۋ فاكتٸسٸن تٸركەدٸ", - دەپ حابارلادى شىمكەنت قالالىق پوليتسييا دەپارتامەنتٸنٸڭ كٶشٸ-قون جەنە ازاماتتىق بٶلٸمٸ ماماندارى.
سودان كەيٸن شەنەۋنٸك كٶشٸ-قون پوليتسيياسىنىڭ شەشٸمٸن سوتقا بەردٸ, الايدا بۇل پروتسەستە جەڭٸلدٸ.
