«تسيفرلى قازاقستان» مەملەكەتتٸك باعدارلاماسى اياسىندا ٸلە-الاتاۋ ۇلتتىق تابيعي پاركٸنٸڭ باقىلاۋ-ٶتكٸزۋ بەكەتٸ ەلەكتروندى فورماتقا كٶشەدٸ.
الماتى قالاسى ەكٸمٸ باقىتجان ساعىنتاەۆ بۇعان دەيٸن دەمالىس ورنىنداعى قولما-قول تٶلەم جاساۋ جٷيەسٸن تولىقتاي ەلەكتروندى فورماتقا اۋىستىرۋ قاجەتتٸگٸن ايتقان بولاتىن.
بٷگٸندە ەكولوگييالىق بەكەتتە 10 ينسپەكتور جۇمىس ٸستەيدٸ. ولار دەمالىس ورنىنا كەلۋشٸ قالا قوناقتارىمەن قولما-قول تٶلەم ارقىلى ەسەپتەسەدٸ. ەندٸگٸدە بۇل جۇمىس پروتسەسسٸ اۆتوماتتاندىرىلعان جٷيەنٸڭ كٶمەگٸمەن ورىندالادى.
دەمالۋشىلار تۋريستٸك ساياحات جولىن تاڭداسا, 452 تەڭگە 50 تيىن تٶلەيدٸ. ەگەر كافە, مەيرامحانا, تاۋ-سپادان قايتاتىن بولسا, 252 تيىن 50 تيىن كٶلەمٸندە قولما-قول تٶلەم جاسايدى. سول سەبەپتٸ بيلەت الۋ كەزٸندە دەمالۋشىدان قايدا باراتىندىعى الدىن-الا سۇرالادى ەكەن. بۇل تۋرالى ٸلە-الاتاۋ مەملەكەتتٸك ۇلتتىق تابيعي پاركٸنٸڭ ينسپەكتورى قايىرجان جىلقىباەۆ ايتىپ بەردٸ.
قازٸرگٸ تاڭدا ەكولوگييالىق بەكەتتە ەكٸ تەرمينال ورناتىلعان. ولار الداعى ۋاقىتتا تولىقتاي ٸسكە قوسىلادى. ودان بٶلەك, «وڭاي» تٶلەم كارتالارى ارقىلى تٶلەۋ مٷمكٸندٸگٸ دە قولعا الىنباق. بۇل كٶلەڭكەلٸ اقشا اۋدارىمدارىنىڭ الدىن الۋعا ٶز سەپتٸگٸن تيگٸزەدٸ.
ٸلە-الاتاۋ مەملەكەتتٸك ۇلتتىق تابيعي پاركٸ ەكولوگييالىق اعارتۋ جەنە تۋريزم بٶلٸمٸنٸڭ باسشىسى تٸلەك ەدٸلجانوۆ پارككە كٸرۋ تٶلەمٸن ەلەكتروندىق جٷيەگە كٶشٸرۋ مەسەلەسٸ بٸرنەشە جىلدان بەرٸ كٶتەرٸلٸپ كەلە جاتقانىن ايتادى.
ايتا كەتسەك, ٶتكەن جىلى تاۋ بٶكتەرٸنە دەمالۋعا كەلگەن حالىقتىڭ سانى 120 مىڭعا جەتكەن. ولار ارنايى دەمالىس ورنىنا كٸرگەنٸ ٷشٸن بەكەتتەگٸ باقىلاۋشىلارعا 52 ملن تەڭگە كٶلەمٸندە قولما-قول تٶلەم جاساعان. سونداي-اق دەمالىس ورنىنا جۇمىس كٷندەرٸ 200 دەمالۋشى كەلسە, سەنبٸ مەن جەكسەنبٸ كٷندەرٸ ولاردىڭ قاتارى 6 ەسەگە ارتتادى. مۇنداي جاعدايدا تەكسەرۋ بەكەتٸندە ۇزىن-سونار كەزەككە تۇرۋ كٶرٸنٸسٸ جيٸ كەزەدەسەدٸ.
تەكسەرۋ بەكەتٸ تولىقتاي ەلەكتروندى فورماتقا اۋىسقان كەزدە دەمالىس ايماعىنا كٸرۋدە كەزەك كٷتۋ جەنە ۋاقىت جوعالتۋ مەسەلەلەرٸ ازايادى.
