قازاقستاننىڭ ٸشكٸ ٸستەر مينيسترلٸگٸ شەتەلدٸك تٸركەۋدە تۇرعان اۆتوكٶلٸكتەردٸ باقىلاۋعا قاتىستى پروبلەمالاردىڭ بار ەكەنٸن مويىندادى. ۆەدومستۆو ەل اۋماعىندا جٷرگەن مۇنداي كٶلٸكتەردٸڭ ناقتى سانىن اتاي المادى, سەبەبٸ ولار بويىنشا جەكە ەسەپ جٷرگٸزٸلمەيدٸ. سونىمەن قاتار, ەڭ ٶزەكتٸ مەسەلەلەردٸڭ بٸرٸ – ولاردىڭ يەلەرٸنەن ايىپپۇل ٶندٸرٸپ الۋ بولىپ وتىر, دەپ حابارلايدى ult.kz inbusiness.kz-كە سٸلتەمە جاساپ.
ٸٸم-نٸڭ inbusiness.kz باسىلىمىنا بەرگەن مەلٸمەتٸنشە, 2026 جىلدىڭ العاشقى بەس ايىندا شەتەلدٸك نٶمٸرلٸ كٶلٸكتەردٸڭ جٷرگٸزۋشٸلەرٸنە جالپى سوماسى 2,2 ملرد تەڭگەدەن استام ەكٸمشٸلٸك ايىپپۇل سالىنعان. الايدا ونىڭ نەبەرٸ 0,8 ملرد تەڭگەگە جۋىعى عانا تٶلەنگەن.
بۇل مەسەلەگە مەجٸلٸس دەپۋتاتى ولجاس قۇسپەكوۆ نازار اۋداردى. ونىڭ ايتۋىنشا, ايىپپۇلداردى ٶندٸرٸپ الۋ دەڭگەيٸنٸڭ تٶمەندٸگٸ قازاقستاننان تىس جەردە تٸركەلگەن كٶلٸك يەلەرٸنٸڭ قۇقىق بۇزۋشىلىقتارىن ەكٸمشٸلەندٸرۋدە قيىندىقتار بار ەكەنٸن كٶرسەتەدٸ.
«2026 جىلدىڭ بەس ايىندا شەتەلدٸك جٷرگٸزۋشٸلەرگە 2,2 ملرد تەڭگەدەن استام ەكٸمشٸلٸك ايىپپۇل سالىندى. الايدا ولاردىڭ ٶندٸرٸپ الىنۋ دەڭگەيٸ سالىستىرمالى تٷردە تٶمەن – شامامەن 0,8 ملرد تەڭگە عانا تٶلەنگەن. بۇل قازاقستاننان تىس جەردە تٸركەلگەن كٶلٸك يەلەرٸنەن ايىپپۇل ٶندٸرٸپ الۋ مەن قۇقىق بۇزۋشىلىقتاردى ەكٸمشٸلەندٸرۋدە قيىندىقتاردىڭ بار ەكەنٸن كٶرسەتەدٸ», – دەدٸ مەجٸلٸسمەن.
ٸٸم مەلٸمەتٸنشە, ەلٸمٸزدە جٷرگەن شەتەلدٸك تٸركەۋدەگٸ اۆتوكٶلٸكتەردٸڭ ناقتى سانى تۋرالى دەرەكتەر جوق. سونىمەن بٸرگە ولاردىڭ قازاقستان اۋماعىندا ۋاقىتشا بولۋ مەرزٸمٸن ساقتاۋ مەملەكەتتٸك شەكاراداعى ٶتكٸزۋ بەكەتتەرٸندە شەكارا جەنە كەدەن ورگاندارى تاراپىنان باقىلانادى. ال ەل ٸشٸندە قۇجاتتاردى جول پوليتسيياسى قىزمەتكەرلەرٸ ٶز قۇزىرەتٸ شەڭبەرٸندە تەكسەرەدٸ.
سونداي-اق مينيسترلٸك باسقا مەملەكەتتەردٸڭ قۇقىق قورعاۋ ورگاندارىمەن ٶزارا ٸس-قيمىل جٷرگٸزەدٸ. اۆتوكٶلٸكتەر مەن ولاردىڭ يەلەرٸ تۋرالى مەلٸمەتتەر قازاقستان ٸٸم ۇلتتىق ورتالىق ينتەرپول بيۋروسى جەنە ەۋرازييالىق ەكونوميكالىق وداققا (ەاەو) مٷشە ەلدەردٸڭ قۇزىرلى ورگاندارىمەن تٸكەلەي بايلانىس ارنالارى ارقىلى الماسىلادى.
ٸٸم قارجى مينيسترلٸگٸنٸڭ مەملەكەتتٸك كٸرٸستەر كوميتەتٸمەن بٸرلەسٸپ, كٶلٸك قۇرالدارىن زاڭسىز ەكەلۋگە قارسى جۇمىستار جٷرگٸزٸپ جاتىر. زاڭبۇزۋشىلىقتاردى انىقتاۋ ٷشٸن شەكارادان ٶتۋدٸ اۆتوماتتى تٷردە تٸركەيتٸن جٷيەلەر, ەاەو اياسىنداعى اقپارات الماسۋ جەنە بٸرلەسكەن رەيدتٸك ٸس-شارالار پايدالانىلادى.
ولجاس قۇسپەكوۆتٸڭ پٸكٸرٸنشە, شەتەلدٸك تٸركەۋدەگٸ كٶلٸكتەردٸڭ بٸرىڭعاي ەسەپ جٷيەسٸنٸڭ بولماۋى ايىپپۇلداردى ٶندٸرٸپ الۋعا عانا ەمەس, ازاماتتاردىڭ قاۋٸپسٸزدٸگٸ مەن بيۋدجەت كٸرٸسٸنە دە قاۋٸپ تٶندٸرەدٸ.
«مۇنداي اشىقتىق بولماعان جاعدايدا ازاماتتاردىڭ قاۋٸپسٸزدٸگٸنە قاۋٸپ تٶنەدٸ, بيۋدجەت شىعىنعا ۇشىرايدى, ايىپپۇل ٶندٸرٸپ الۋ قيىندايدى جەنە كٶلەڭكەلٸ نارىق ۇلعايادى. اۆتوكٶلٸك قاي ەلدە تٸركەلگەنٸنە قاراماستان, جول قوزعالىسىنا قاتىسۋشىلاردىڭ بارلىعىنا زاڭ مەن تەرتٸپ بٸردەي قولدانىلۋى تيٸس», – دەدٸ دەپۋتات.
ونىڭ ايتۋىنشا, شەتەلدٸك تٸركەۋدەگٸ كٶلٸكتەردٸڭ نەگٸزگٸ لەگٸ قازاقستانعا ەاەو ەلدەرٸنەن, ەسٸرەسە رەسەي, قىرعىزستان جەنە ارمەنييادان كەلەدٸ. پارلامەنت دەپۋتاتى مۇنداي كٶلٸكتەردٸڭ ناقتى سانى تۋرالى مەلٸمەتتٸڭ جوقتىعى مەملەكەتتٸك شەكارادان ٶتكەن سەتتەن باستاپ بٸرىڭعاي تسيفرلىق ەسەپ جٷيەسٸن قۇرۋ قاجەتتٸگٸن دەلەلدەيدٸ دەپ سانايدى.
دەپۋتات اۆتوكٶلٸك, ونىڭ يەسٸ, ەلدە بولۋ مەرزٸمٸ جەنە سالىنعان ەكٸمشٸلٸك جازالار تۋرالى مەلٸمەتتەردٸ قامتيتىن بٸرىڭعاي دەرەكقور قۇرۋدى ۇسىندى. سونىمەن قاتار, قازاقستان اۋماعىندا جٷرگەن شەتەلدٸك نٶمٸرلٸ كٶلٸكتەرگە تٷگەندەۋ جٷرگٸزٸپ, ولاردىڭ قۇقىقتىق مەرتەبەسٸن زاڭناماعا سەيكەستەندٸرەتٸن ۋاقىتشا تەتٸك ەنگٸزۋدٸ قولدادى.
ٸٸم مەملەكەتتٸك تٸركەۋ نٶمٸرٸنسٸز نەمەسە زاڭنامادا بەلگٸلەنگەن تەرتٸپپەن تٸركەلمەگەن كٶلٸكتٸ باسقارعانى ٷشٸن 10 ايلىق ەسەپتٸك كٶرسەتكٸش (اەك) كٶلەمٸندە, ياعني 2026 جىلى 43 250 تەڭگە ايىپپۇل قاراستىرىلعانىن ەسكە سالدى.
«ەكٸمشٸلٸك قۇقىق بۇزۋشىلىق تۋرالى كودەكستٸڭ 590-بابىنىڭ 2-بٶلٸگٸنە سەيكەس مەملەكەتتٸك تٸركەۋ نٶمٸرلٸك بەلگٸسٸنسٸز, پايدالانۋعا تىيىم سالىنعاننان كەيٸن نەمەسە بەلگٸلەنگەن تەرتٸپپەن تٸركەلمەگەن كٶلٸك قۇرالىن باسقارعانى ٷشٸن 10 اەك (2026 جىلى – 43 250 تەڭگە) مٶلشەرٸندە ايىپپۇل سالىنادى. ەگەر بۇل قۇقىق بۇزۋشىلىق ەكٸمشٸلٸك جازا قولدانىلعاننان كەيٸن بٸر جىل ٸشٸندە قايتالانسا, 20 اەك مٶلشەرٸندە ايىپپۇل سالىنادى نەمەسە بٸر جىل مەرزٸمگە كٶلٸك قۇرالىن باسقارۋ قۇقىعىنان ايىرىلادى. ايىپپۇلدار جالپى تەرتٸپپەن ٶندٸرٸلەدٸ», – دەپ حابارلادى مينيسترلٸك.
ايىپپۇلدان بٶلەك, قۇقىق بۇزۋشى بٸر جىلعا جٷرگٸزۋشٸ كۋەلٸگٸنەن ايىرىلۋى مٷمكٸن. سونداي-اق زاڭبۇزۋشىلىق جويىلعانعا دەيٸن كٶلٸك ارنايى ايىپ تۇراعىنا قويىلادى.
ٸٸم مەملەكەتتٸك قىزمەتتەردٸ تسيفرلاندىرۋ جۇمىستارىن جالعاستىرىپ جاتقانىن جەنە كٶلٸك قۇرالدارىن تٸركەۋ رەسٸمدەرٸن كەزەڭ-كەزەڭٸمەن eGov پورتالى ارقىلى ەلەكتروندىق فورماتقا كٶشٸرٸپ جاتقانىن دا مەلٸمدەدٸ.
