ٸشكٸ ٸستەر مينيسترلٸگٸ ۆەدومستۆولىق وقۋ ورىندارىنا تالاپكەرلەردٸ قابىلداۋ تەرتٸبٸنە قاتىستى تٷسٸنٸكتەمە بەردٸ, دەپ حابارلايدى ult.kz.
ۇبت-دان كەمٸندە 50 بالل جيناۋ – ٸٸم-نٸڭ جوعارى وقۋ ورىندارىنا كونكۋرسقا قاتىسۋعا مٷمكٸندٸك بەرەتٸن ەڭ تٶمەنگٸ شەك. الايدا بۇل تالاپكەردٸڭ وقۋ ورنىنا اۆتوماتتى تٷردە قابىلداناتىنىن بٸلدٸرمەيدٸ.
ٸٸم وقۋ ورىندارىنا قابىلداۋ كونكۋرس نەگٸزٸندە جٷرگٸزٸلەدٸ. بۇل رەتتە ۇبت نەتيجەسٸمەن قاتار تالاپكەردٸڭ:
- مەديتسينالىق;
- فيزيولوگييالىق;
- پسيحوفيزيولوگييالىق ٸرٸكتەۋ نەتيجەلەرٸ دە ەسكەرٸلەدٸ.
ٷمٸتكەر بەلگٸلەنگەن بارلىق ٸرٸكتەۋ كەزەڭدەرٸنەن ٶتٸپ, كونكۋرس قورىتىندىسى بويىنشا جەتكٸلٸكتٸ كٶرسەتكٸش جيناۋى قاجەت.
سوندىقتان ٸٸم وقۋ ورنىنا تٷسكٸسٸ كەلەتٸن تالاپكەرلەر ٷشٸن 50 بالل – سوڭعى ماقسات ەمەس, كونكۋرسقا قاتىسۋعا مٷمكٸندٸك بەرەتٸن ەڭ تٶمەنگٸ شەك. مٷمكٸندٸگٸنشە جوعارى بالل جيناپ, ٸرٸكتەۋدٸڭ بارلىق تالاپتارىنا ساي بولۋ ماڭىزدى.
