ٸشكٸ ٸستەر مينيسترلٸگٸ ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باسقارما باستىعى باقىتجان ەمٸرحانوۆ قازاقستاندا ەسٸرتكٸ ساۋداسىنىڭ دامۋىنا ىقپال ەتٸپ وتىرعان فاكتورلاردى اتادى, دەپ حابارلايدى قازاقپارات.
«بيىل قۇقىق قورعاۋ ورگانىنىڭ قىزمەتكەرلەرٸ ەسٸرتكٸمەن بايلانىستى زاڭ بۇزۋدىڭ 3,5 مىڭ فاكتٸسٸن انىقتادى. ونىڭ مىڭنان استامى – ەسٸرتكٸمەن بايلانىستى قىلمىستار. 750 ەسٸرتكٸ ساتۋ, 200 اسا ٸرٸ كٶلەمدە ەسٸرتكٸ ساقتاۋ فاكتٸسٸ تٸركەلدٸ. شامامەن 2 توننا (1,9) تٷرلٸ ەسٸرتكٸ ٶنٸمٸ تەركٸلەندٸ. ونىڭ 4 كەلٸگە جۋىعى گەروين, 41 كەلٸسٸ سينتەتيكالىق ەسكٸتكٸ بولعان», - دەدٸ باسقارما باسشىسى.
ونىڭ سٶزٸنە قاراعاندا, جىل باسىنان بەرٸ ەسٸرتكٸ ساۋداسىنا قاتىسى بار 6 ۇيىمداسقان قىلمىستىق توپ ەشكەرەلەنٸپ, سەركەلەرٸنٸڭ ٷستٸنەن 12 قىلمىستىق ٸس قوزعالعان. توپتاردىڭ 3 باسشىسى, 30 مٷشەسٸ قىلمىستىق ٸسكە تارتىلىپ, كونتارباندانىڭ 50 فاكتٸسٸ انىقتالعان.
«قازاقستانداعى ەسٸرتكٸ ساۋداسىنىڭ دامۋ ٷردٸسٸ مىناداي جايتتاردان قالىپتاسىپ وتىر. بٸرٸنشٸدەن, جامبىل وبلىسىنداعى شۋ جازىعىندا كاننابيستٸڭ شيكٸزات بازاسى بار. سونداي-اق, قىزىلوردا وبلىسىندا سورا ٶسٸرۋ تىيىلماي وتىر.
اۋعانستاننان كەلەتٸن گەرويننٸڭ «سولتٷستٸك مارشرۋت» بويىنشا ٶتەتٸن ترافيگٸ ورتالىق قازاقستان اۋماعى ارقىلى رەسەي مەن ەۋروپاعا باعىتتالادى. ٸرگەلەس ەلدەردەن سينتەتيكالىق ەسٸرتكٸنٸڭ كونترابانداسى كەلەدٸ. قازاقستاننىڭ ٶز ٸشٸندە دە سينتەتيكالىق ەسٸرتكٸ ٶندٸرٸسٸن زەرتحانالىق جاعدايدا جولعا قويۋ تالپىسى ازايماي تۇر», - دەدٸ دەپارتامەنت ٶكٸلٸ.
