بٷگٸن نۇر-سۇلتان, الماتى, سەمەي, قاراعاندى جەنە اقتٶبە قالالارىندا ميتينگٸلەر ٶتتٸ, نارازىلىق كەزٸندە شامامەن 80 ادام ۇستالعان. بۇل تۋرالى قازاقستان ٸشكٸ ٸستەر مينيسترلٸگٸ مەلٸمدەدٸ.
"1 مامىردا نۇر-سۇلتان, الماتى, سەمەي, قاراعاندى جەنە اقتٶبە قالالارىندا باس پروكۋراتۋرانىڭ رەسمي حابارلاماسىنا قاراماستان, سانكتسييالانباعان ميتينگٸلەر مەن ازاماتتاردىڭ جينالۋى ورىن الدى. اكتسيياعا قاتىسۋشىلارعا ٶزدەرٸنٸڭ ۇستانىمدارى مەن ەلەۋمەتتٸك جەنە باسقا دا پروبلەمالىق مەسەلەلەر بويىنشا پٸكٸرلەرٸن ەركٸن جەنە اشىق بٸلدٸرۋگە مٷمكٸندٸك بەرٸلدٸ. الايدا نۇر-سۇلتان جەنە الماتى قالالارىندا جينالعانداردىڭ ٸشٸنەن بٸرقاتار ادامدار ٶزدەرٸن اگرەسسييالىق تٷردە ۇستاپ, تىيىم سالىنعان "دۆك" ەكسترەميستٸك ۇيىمىنىڭ ۇراندارىن ايقايلاپ ايتىپ, قوعامدىق تەرتٸپتٸ بۇزدى" دەلٸنگەن حابارلامادا.
وسىعان بايلانىستى ەكٸمدٸكتەر مەن پروكۋراتۋرا ٶكٸلدەرٸ بەيبٸت ميتينگٸلەر, جينالىستار مەن شەرۋلەر ٶتكٸزۋ تەرتٸبٸ تۋرالى زاڭنامانىڭ ەرەجەلەرٸن تٷسٸندٸرگەن.
"جەكەلەگەن ازاماتتار زاڭسىز ەرەكەتتەردٸ توقتاتۋ تۋرالى تالاپتارعا باعىنبادى. سودان كەيٸن پوليتسييا كٷشٸمەن قوعامدىق تەرتٸپتٸ قالپىنا كەلتٸرۋگە جەنە تەرتٸپ بۇزۋشىلاردى ۇستاۋ شارالارى قابىلداندى. نەتيجەسٸندە ەلوردادا جەنە الماتىدا پوليتسييا بٶلٸمدەرٸنە 80 ازامات جەتكٸزٸلدٸ. ولاردىڭ ەرەكەتتەرٸنە زاڭدا بەلگٸلەنگەن تەرتٸپپەن قۇقىقتىق باعا بەرٸلەتٸن بولادى" دەيدٸ ۆەدومستۆو ٶكٸلدەرٸ.
ٸشكٸ ٸستەر مينيسترلٸگٸ ازاماتتارعا ارانداتۋشىلىققا بەرٸلمەۋگە جەنە قازاقستان رەسپۋبليكاسىنىڭ زاڭناما تالاپتارىن ساقتاۋعا شاقىردى.
