قر بٸلٸم جەنە عىلىم مينيسترٸ اسحات ايماعامبەتوۆ عىلىم سالاسىنداعى بيۋروكراتييا كٶپتەگەن كەدەرگٸگە جاعداي جاسايتىنىن مەلٸم ەتتٸ, دەپ حابارلايدى قازاقپارات.
«بٸز عىلىم سالاسىنداعى بيۋروكراتييالىق سيپاتتاعى ەرتٷرلٸ پروتسەدۋرانى رەتتەۋٸمٸز كەرەك. مەسەلەن بٸر جاس عالىم گرانت ۇتىپ الىپ, بٸل ٶزەكتٸ پروبلەمانى زەرتتەگٸسٸ كەلدٸ دەلٸك. ەۋ باستا ول مەسەلەن پاۆلودار نەمەسە شىمكەنت قالاسىن زەرتتەۋ نىسانى رەتٸندە تاڭداۋى مٷمكٸن. الايدا ول تاقىرىپتى ٶزگەرتپەي, حالىق سانى مەن قۇرىلىمى پاۆلودار نەمەسە شىمكەنتكە ۇقساس باسقا قالانى تاڭداۋ تۋرالى قايتا ٶتٸنٸش جولداۋى ىقتيمال. الايدا ول ٷشٸن عالىم قايتادان كٷردەلٸ پروتسەدۋرالاردان, ماقۇلداۋلاردان ٶتۋٸ تيٸس. بٸز وسى پروتسەدۋرالارمەن ەرتٷرلٸ ينسينۋاتسييالارعا جول بەرەمٸز», - دەدٸ اسحات ايماعامبەتوۆ ۋنيۆەرسيتەت باسشىلارىمەن ٶتكٸزگەن ونلاين رەجيمدەگٸ جيىندا.
مينيستردٸڭ ايتۋىنشا بٷگٸننٸڭ ٶزٸندە بٸلٸم جەنە عىلىم مينيسترلٸگٸ كەزەكتەن تىس 2 كونكۋرس جارييالاعان.
«عىلىمي گرانتتار بويىنشا جالپى سوماسى 20 ملرد تەڭگەدەن استام قاراجات بٶلٸندٸ. بۇل مەملەكەت باسشىسىنىڭ عىلىمدى قولداۋ تاپسىرماسى شەڭبەرٸندە ٸسكە اسىرىلىپ وتىر. سوندىقتان بيىلدىڭ ٶزٸندە بٸرنەشە عىلىمي كونكۋرس بولادى. قازٸر عىلىم سالاسىن قارجىلاندىرۋعا ٷلكەن كٶڭٸل بٶلٸنۋدە», - دەدٸ ول.
