قايرات نۇرتاستىڭ اناسى, پروديۋسەر گٷلزيرا ايداربەكوۆا نۇرسۇلتان جاقسىگەنگە قاتىستى شىققان سوت ٷكٸمٸنە بايلانىستى ويىن ايتتى. ول سوتتالعان ازاماتقا تاعايىندالعان جازا مەرزٸمٸن جەڭٸلدەتۋ مەسەلەسٸن كٶتەرٸپ, ونىڭ وتباسى مەن بالالارىنا الاڭدايتىنىن جەتكٸزدٸ, دەپ حابارلايدى ult.kz.
ەسكە سالايىق, الماتى وبلىسىنىڭ قاراساي اۋداندىق سوتى نۇرسۇلتان جاقسىگەندٸ كٸنەلٸ دەپ تانىپ, 2 جىل 3 ايعا باس بوستاندىعىنان ايىرۋ تۋرالى ٷكٸم شىعارعان. سونىمەن قاتار وعان بەس جىل بويى بۇقارالىق اقپارات قۇرالدارى مەن ەلەۋمەتتٸك جەلٸلەردە سٶز سٶيلەۋگە تىيىم سالىنعان. بۇدان بٶلەك, فاريزا سابىرەليەۆانىڭ پايداسىنا 5 ميلليون تەڭگە ٶندٸرۋ تۋرالى شەشٸم قابىلدانعان.
گٷلزيرا ايداربەكوۆا جاقسىگەننٸڭ جاۋاپكەرشٸلٸكتەن بوساتىلۋىن ەمەس, وعان تاعايىندالعان جازانىڭ جەڭٸلدەتٸلگەنٸن قالايتىنىن ايتتى.
«مٷمكٸندٸك بولسا, سونشالىقتى قاتىگەزدٸك تانىتپاۋعا دا بولار ما ەدٸ. ورتادا بالا-شاعالارى بار شىعار. كٸسٸ ٶلتٸرٸپ, قىز زورلاپ, ۇرلىق جاساعان جوق. جەڭٸلدەتكەنٸ دۇرىس-اۋ. كٸمنٸڭ باسىنان نە ٶتپەيدٸ, ەشقايسىڭىزدىڭ بالا-شاعاڭىزدىڭ باسىنا بەرمەسٸن», – دەپ جازدى پروديۋسەر.
ونىڭ پٸكٸرٸنشە, سوتتالعان ازاماتقا ەكٸ جىلدان استام جازا بەرۋدٸڭ ورنىنا بٸر جىل باس بوستاندىعىنان ايىرۋ جەتكٸلٸكتٸ بولۋى مٷمكٸن. ايداربەكوۆا تٷرمەدە ۇزاق وتىرۋ ادامنىڭ مٸنەز-قۇلقىنا كەرٸ ەسەر ەتۋٸ ىقتيمال ەكەنٸن دە اتاپ ٶتتٸ.
«جازاسىن الۋ كەرەك, بٸراق كٸشكەنە جەڭٸلدەتٸپ, 2 جارىم جىل ەمەس, 1 جىل دا جەتكٸلٸكتٸ مە دەگەنٸم عوي. ول جاقتان تٷزەلٸپ ەمەس, قانى بەزەر بولىپ, بۇزىلىپ كەلۋٸ دە مٷمكٸن عوي», – دەدٸ ول.
سونىمەن بٸرگە پروديۋسەر نۇرسۇلتان جاقسىگەندٸ جاقىننان تانىمايتىنىن, سوندىقتان ونىڭ قانداي ادام ەكەنٸن بٸلمەيتٸنٸن اتاپ ٶتتٸ.
«ەيتەۋٸر اتا-اناسى بار, بالا-شاعاسى بار, ەشكٸم جىلاماسا دەگەنٸم عوي», – دەپ تٷيٸندەدٸ گٷلزيرا ايداربەكوۆا.
ايتا كەتەيٸك, پروديۋسەر بۇل پٸكٸرٸن ەلەۋمەتتٸك جەلٸدەگٸ نۇرسۇلتان جاقسىگەنگە قاتىستى جازبالاردىڭ بٸرٸنٸڭ استىنا قالدىرعان.
