گٷلشارا ەبدٸقالىقوۆانىڭ تٶراعالىعىمەن جاستار ساياساتى جٶنٸندەگٸ كەڭەستٸڭ وتىرىسى ٶتتٸ

قازاقستان رەسپۋبليكاسىنىڭ مەملەكەتتٸك حاتشىسى گٷلشارا ەبدٸقالىقوۆانىڭ تٶراعالىعىمەن قازاقستان رەسپۋبليكاسىنىڭ پرەزيدەنتٸ جانىنداعى جاستار ساياساتى جٶنٸندەگٸ كەڭەستٸڭ وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.

وتىرىستى اشقان گ.ەبدٸقالىقوۆا مەملەكەت باسشىسى نۇرسۇلتان نازارباەۆتىڭ «ۇلى دالانىڭ جەتٸ قىرى» اتتى باعدارلامالىق ماقالاسىنداعى «ٶتكەنٸن ماقتان تۇتىپ, بٷگٸنٸن ناقتى باعالاي بٸلۋ جەنە بولاشاققا وڭ كٶزقاراس تانىتۋ – ەلٸمٸزدٸڭ تابىستى بولۋىنىڭ كەپٸلٸ دەگەنٸمٸز وسى» دەگەن سٶزٸنە توقتالدى.

– بۇل باسىمدىقتار 2019 جىلى جاستار جىلىن ٶتكٸزۋدٸڭ نەگٸزٸنە اينالۋعا تيٸس, – دەدٸ مەملەكەتتٸك حاتشى.

جيىندا قوعامدىق دامۋ مينيسترلٸگٸنٸڭ «قازاقستان 2020: بولاشاققا جول» قازاقستان رەسپۋبليكاسىنىڭ مەملەكەتتٸك جاستار ساياساتىنىڭ 2020 جىلعا دەيٸنگٸ تۇجىرىمداماسىنىڭ جٷزەگە اسىرىلۋ بارىسى جٶنٸندەگٸ مەلٸمەتٸ تىڭدالدى. 2018 جىلعى قىركٷيەكتە 18-29 جاس ارالىعىنداعى NEET جاستارىن, سونىڭ ٸشٸندە 2018 جىلعى تٷلەكتەردٸ جۇمىسپەن قامتۋ جەنە ەلەۋمەتتەندٸرۋ جٶنٸندەگٸ جول كارتاسى بەكٸتٸلدٸ. قازاقستاندا 2018 جىلعى ەكٸنشٸ توقساندا NEET ساناتىنداعى جاستار 7,7 پايىز (بىلتىرعى سەيكەس كەزەڭدە 8,5 پايىز) بولعان. «بارشاعا تەگٸن كەسٸپتٸك-تەحنيكالىق بٸلٸم بەرۋ» جوباسى اياسىندا 312 كوللەدجدە 381 ماماندىق بويىنشا 21 مىڭ ادام بٸلٸم الۋدا.

سونىمەن قاتار, ٸشكٸ ٸستەر جەنە دەنساۋلىق ساقتاۋ مينيسترلٸكتەرٸنٸڭ جاستار اراسىنداعى قۇقىق بۇزۋشىلىق پەن سۋيتسيدتٸڭ الدىن الۋ جٶنٸندەگٸ مەلٸمەتٸ تىڭدالدى. سوڭعى 5 جىل ٸشٸندە جاستار اراسىنداعى قىلمىس سانى (14-29 جاس ارالىعى) 5 پايىزعا ازايعان. ەلٸمٸزدٸڭ جوعارى وقۋ ورىندارىنداعى جەنە ستۋدەنتتەر جاتاقحاناسىنداعى تەرتٸپتٸ قامتاماسىز ەتۋ بارىسىندا پوليتسيياعا جەردەمدەسەتٸن 196 ستۋدەنتتٸك جاساق قىزمەت اتقارادى. ولار بيىل 180 قىلمىستى ەشكەرەلەپ, 5,4 مىڭنان استام ەكٸمشٸلٸك قۇقىق بۇزۋ جايتتارىن انىقتادى. 2017 جىلى 15-17 جاس مٶلشەرٸندەگٸ جاستاردىڭ سۋيتسيد كٶرسەتكٸشٸ 36,6 پايىزعا, ٶز-ٶزٸنە قول سالۋ ەرەكەتٸ 43,4 پايىزعا ازايعانى بايقالعان.

كەڭەس وتىرىسىندا 2019 جىلعا ارنالعان جۇمىس جوسپارى قارالدى.

سوڭىندا قازاقستان رەسپۋبليكاسىنىڭ مەملەكەتتٸك حاتشىسى گٷلشارا ەبدٸقالىقوۆا مەملەكەتتٸك ورگاندارعا بٸرقاتار ناقتى تاپسىرما بەردٸ.