قازٸرگٸ ۋاقىتتا گرۋزييادا جاڭا كوروناۆيرۋس جۇقتىرعان 38 ادام تٸركەلدٸ. بٸرنەشە ناۋقاستىڭ جاعدايى اۋىر, سەبەبٸ ولاردىڭ باسقا دا اۋرۋلارى بار, دەپ مەلٸمدەدٸ جۋرناليستەرگە تبيليسي جۇقپالى اۋرۋلار اۋرۋحاناسىنىڭ باس ديرەكتورى تەنگيز تسەرتسۆادزە. بۇل تۋرالى Newsgeorgia سايتى حابارلادى.
تبيليسي جۇقپالى اۋرۋلار اۋرۋحاناسىندا قازٸرگٸ ۋاقىتتا 46 ناۋقاس جاتىر, ونىڭ 30-ىندا كوروناۆيرۋس زەرتحانالىق تۇرعىدان راستالعان. بۇدان بٶلەك, تاعى جەتٸ ناۋقاستا كوروناۆيرۋس تابىلعان, ولار ەلدەگٸ باسقا كلينيكالارعا ورنالاستىرىلدى. بٸر ناۋقاس جازىلىپ شىققان.
«ەكٸ ناۋقاس اۋىر حالدە جاتىر, تاعى بٸرنەشە ادامنىڭ دەنساۋلىعى ناشار, ولار ەگدە جاسقا كەلٸپ قالعان جەنە باسقا دا اۋرۋلارى بار. مەسەلەن, قان قىسىمى جوعارى, جٷرەگٸ اۋىرادى نەمەسە استماسى بار», - دەدٸ تبيليسي جۇقپالى اۋرۋلار اۋرۋحاناسىنىڭ باس ديرەكتورى تەنگيز تسەرتسۆادزە.
اۋرۋحانا ديرەكتورى قازٸرگٸ ۋاقىتتا 11 ناۋقاستىڭ پنەۆمونيياعا شالدىققانىن راستادى.
«ولاردىڭ جارتىسىنىڭ جاعدايى ورتاشا اۋىر دەپ باعالانۋدا, ال باسقا ناۋقاستاردىڭ اۋرۋى جەڭٸل ٶتۋدە. كەمەلەتتٸك جاسقا تولماعان ناۋقاستاردىڭ دەنساۋلىعى جاقسى ەمەس, الايدا, ولاردىڭ ٸندەتٸ جەڭٸل تٷردە جەنە جاعدايى قاناعاتتانارلىق», - دەپ مەلٸم ەتتٸ ت. تسەرتسۆادزە.
ونىڭ مەلٸمەتٸنشە, پرەمەردٸڭ شەشٸمٸ بويىنشا گرۋزيياداعى تٶرت جەتەكشٸ كلينيكا ناۋقاستاردان تولىق بوساتىلعان. «ا جوسپارىنا» سەيكەس, 440 جاتىن ورىن ەزٸرلەنگەن. تاعى قاجەت بولعان جاعدايدا, «ب جوسپارى» اياسىندا 3600 ورىن دايىندالادى.
