گرۋزييانىڭ "بٸرىڭعاي ۇلتتىق قوزعالىس" وپپوزيتسييالىق اليانسى ەلدٸڭ بۇرىنعى پرەزيدەنتٸ, قازٸر ۋكراينادا جٷرگەن ميحايل سااكاشۆيلي كانديداتۋراسىن پرەمەر-مينيسترلٸككە ۇسىندى. بۇعان دەيٸن گرۋزييا بيلٸگٸ سااكاشۆيليدٸ ەلدٸ باسقارىپ تۇرعان كەزدە "ٶكٸلەتٸن اسىرا پايدالاندى" دەپ ايىپتاپ, سىرتتاي سوتتاعان بولاتىن.
"بٸرىڭعاي ۇلتتىق قوزعالىس" ۇيىمىنىڭ جەتەكشٸسٸ گريگول ۆاشادزە وسى اپتادا سااكاشۆيلي تبيليسيگە كەلگەننەن كەيٸن بار مەن-جايدى ٶزٸ تٷسٸندٸرەدٸ دەدٸ.
"سااكاشۆيلي حالىقپەن بەتپە-بەت كەزدەسۋٸ كەرەك" دەدٸ ۆاشادزە.
گرۋزييانىڭ بۇرىنعى پرەزيدەنتٸ Facebook جەلٸسٸندە وپپوزيتسييادان ۇسىنىس تٷسكەنٸن راستاپ, ۇسىنىستى قابىلداعانىن حابارلادى. 31 قازاندا ٶتەتٸن پارلامەنت سايلاۋىندا وپپوزيتسييا جەڭٸسكە جەتسە, سااكاشۆيلي پرەمەر-مينيستر بولماق. دەگەنمەن سااكاشۆيلي "گرۋزييا ەڭسەرۋٸ تيٸس تەرەڭ داعدارىستان شىققانشا" ياعني, جاعداي تۇراقتالعانعا دەيٸن عانا قىزمەتتە وتىرۋعا كەلٸسٸم بەرگەن. ول ەلەۋمەتتٸك جەلٸدە تبيليسيگە ساپارى تۋرالى ەشتەڭە ايتپاعان.
ال وپپوزيتسييانىڭ مەلٸمدەمەسٸنە رەاكتسييا بٸلدٸرگەن گرۋزييانىڭ قازٸرگٸ پرەمەر-مينيسترٸ گەورگيي گاحارييا "كەلسٸن. ەلدٸڭ تۇراقتىلىعىنا ەشكٸم ىقپال ەتە المايدى دەپ ۋەدە بەرگەن ەدٸ عوي" دەگەن.
تامىز ايىندا گرۋزييانىڭ ەدٸلەت مينيسترٸ تەيا تسۋلۋكياني سااكاشۆيليدٸ شەكارادان ٶتكەن كەزدە-اق ۇستايدى دەپ ايتقان ەدٸ. گرۋزييانىڭ بۇرىنعى باسشىسى ٶزٸن ساياسي سەبەپتەرمەن قۋدالاپ جاتىر دەپ ەسەپتەيدٸ.
سااكاشۆيلي 2008 جىلدىڭ قاڭتارىنان باستاپ 2013 جىلدىڭ قاراشاسىنا دەيٸن گرۋزييانى باسقارعان. ول ەلدٸ باسقارىپ تۇرعان كەزدە گرۋزييا ناتو مەن ەو-عا مٷشە بولۋعا ۇمتىلدى, رەسەيمەن قارىم-قاتىناس ناشارلاپ, قارۋلى قاقتىعىستار بولىپ تۇردى. ەلدە ەكونوميكالىق رەفورما جٷرگٸزٸلٸپ, سونىڭ ارقاسىندا جەمقورلىق ازايعان. حالىقتىڭ تابىسى ٶسٸپ, ەكونوميكا 70 پايىزعا ۇلعايعان.
دەگەنمەن گرۋزييانىڭ ٶز ٸشٸندە ونى ساياسي قارسىلاستارىن قۋدالادى جەنە نارازىلاردى كٷشپەن تاراتتى دەپ ايىپتايدى.
پرەزيدەنت ٶكٸلەتٸن اياقتاپ, بيلٸككە وپپوزيتسييا كەلگەن سوڭ سااكاشۆيلي امەريكاعا كەتكەن. جاڭا گرۋزين بيلٸگٸ ونى "جەمقورلىق جاسادى", "ٶكٸلەتٸن اسىرا پايدالاندى" دەپ ايىپتادى. كەيٸنٸرەك سىرتتاي التى جىلعا باس بوستاندىعىنان ايىردى.
2014 جىلى ۋكرايناداعى رەۆوليۋتسييادان كەيٸن سااكاشۆيلي كيەۆكە كٶشٸپ كەلٸپ, ۋكراينا ازاماتتىعىن الدى. 2015 جىلى مامىر ايىندا سول كەزدەگٸ ۋكراينا پرەزيدەنتٸ پەتر پوروشەنكو ونى ودەسسا وبلىسىنىڭ گۋبەرناتورى قىلىپ تاعايىندادى.
بٸر جارىم جىلدان سوڭ پوروشەنكو اينالاسىنداعى شەنەۋنٸكتەرمەن تٸل تابىسا الماعان سوڭ سااكاشۆيلي وتستاۆكاعا جٸبەرٸلدٸ, وپپوزيتسيياعا كەتٸپ, "رۋح نوۆىح سيل" اتتى جاڭا پارتييا قۇردى. 2017 جىلى شٸلدە ايىندا پوروشەنكو ونى ۋكراينا ازاماتتىعىنان ايىردى. ٸٸم ونى "شەت مەملەكەتكە قۇپييا اقپارات تاسىدى", "جەمقورلىق جاسادى" دەپ ايىپتادى.
وسىدان سوڭ سااكاشۆيلي نيدەرلاندىعا كٶشٸپ كەتتٸ. 2019 جىلى كٶكتەمدە پرەزيدەنت بولىپ سايلانعان ۆلاديمير زەلەنسكيي ونىڭ ازاماتتىعىن قايتارىپ, رەفورما جٶنٸندەگٸ اتقارۋ كوميتەتٸنٸڭ جەتەكشٸسٸ قىلىپ تاعايىندادى.
