گرۋزييا بيلٸگٸ ەلدە زاڭدى تٷردە تۇرۋ قۇقىعىن الۋ ٷشٸن جاسالاتىن جالعان نەكەمەن كٷرەستٸ كٷشەيتۋدٸ جوسپارلاپ وتىر. وسى ماقساتتا ٸشكٸ ٸستەر مينيسترلٸگٸ زاڭناماعا بٸرقاتار قاتاڭ تٷزەتۋلەر ەنگٸزۋدٸ ۇسىنىپ, تيٸستٸ قۇجاتتاردى پارلامەنت قاراۋىنا جولدادى, دەپ حابارلايدى ult.kz.
ۇسىنىلعان ٶزگەرٸستەرگە سەيكەس, گرۋزييا ازاماتى مەن شەتەلدٸك ازامات اراسىنداعى جالعان نەكە قىلمىستىق قۇقىق بۇزۋشىلىق رەتٸندە قاراستىرىلماق.
ەگەر زاڭ جوباسى قابىلدانسا, تۇرۋعا ىقتييارحات الۋ ماقساتىندا جاسالعان جالعان نەكە ٷشٸن ايىپپۇل سالۋ, بٸر جىلدان ەكٸ جىلعا دەيٸنگٸ مەرزٸمگە ٷيقاماققا الۋ نەمەسە ەكٸ جىلعا دەيٸن باس بوستاندىعىنان ايىرۋ جازاسى قاراستىرىلادى.
ال شەتەلدٸك ازاماتتار ٷشٸن جازا ودان دا قاتاڭ بولۋى مٷمكٸن. سوتتالعاننان كەيٸن ولار ەل اۋماعىنان شىعارىلىپ, گرۋزيياعا قايتا كٸرۋگە 2 جىلدان 10 جىلعا دەيٸن تىيىم سالىنۋى ىقتيمال.
گرۋزييانىڭ ٸشكٸ ٸستەر مينيسترلٸگٸ جاڭا نورمالاردىڭ كٶشٸ-قون اعىندارىن باقىلاۋدى كٷشەيتۋگە جەنە زاڭناماداعى ولقىلىقتاردى جويۋعا باعىتتالعانىن مەلٸمدەدٸ. سونداي-اق كٶشٸ-قون قىزمەتٸنٸڭ ٶكٸلەتتٸكتەرٸن كەڭەيتٸپ, حالىقارالىق وتباسىلاردىڭ شىنايى وتباسىلىق ٶمٸر سٷرٸپ جاتقانىن تەكسەرۋ مٷمكٸندٸگٸن ارتتىرۋ كٶزدەلٸپ وتىر.
ايتا كەتەيٸك, سوڭعى جىلدارى گرۋزييا شەتەل ازاماتتارىنا قاتىستى كٶشٸ-قون تالاپتارىن كەزەڭ-كەزەڭٸمەن كٷشەيتٸپ كەلەدٸ. بۇعان دەيٸن ەلدە ينۆەستورلارعا ارنالعان يمميگراتسييالىق ۆيزالاردى الۋ شارتتارى قاتاڭداتىلىپ, قاشىقتان جۇمىس ٸستەيتٸن ازاماتتارعا جاڭا تالاپتار ەنگٸزٸلگەن بولاتىن. سونىمەن قاتار شەتەلدٸكتەرگە گيد, كۋرەر جەنە تاكسي جٷرگٸزۋشٸسٸ بولىپ جۇمىس ٸستەۋگە شەكتەۋ قويىلعان.
قازٸرگٸ ۋاقىتتا زاڭ جوباسى دەپۋتاتتاردىڭ قاراۋىندا. قۇجات جاقىن ارادا قابىلدانۋى مٷمكٸن.
