گرەكييانىڭ سولتٷستٸگٸندە پوليتسييا جوسپارلى تەكسەرٸس كەزٸندە مۇزداتقىشى بار جٷك كٶلٸكتە 40 شاقتى ميگرانت جاسىرىنعانىن انىقتادى, دەپ حابارلايدى CNN اگەنتتٸگٸ.
پوليتسييانىڭ مەلٸمدەۋٸنشە, جٷك كٶلٸگٸنٸڭ مۇزداتقىشى سٶندٸرۋلٸ بولعان, ونداعى ەر ادامدار دا, بالالار دا دٸن امان.
سوندا دا ميگرانتتاردىڭ بٸرنەشەۋٸ دەرٸگەرگە جٷگٸنگەن, قالعاندارى پوليتسييا ۋچاسكەسٸنە اتى-جٶنٸن انىقتاۋعا جٸبەرٸلگەن. ال 40 جاستاعى جٷرگٸزۋشٸ قاماۋعا الىندى.
سوڭعى كەزدە گرەكييا ارقىلى جٷك كٶلٸگٸمەن جەنە باسقا دا كٶلٸكتەرمەن زاڭسىز ميگرانت تاسىمالداۋ بەلەڭ الا باستاعان. سوعان بايلانىستى پوليتسييا دا تەكسەرٸستٸ كٷشەيتتٸ.
گرەكييا بۇقارالىق اقپارات قۇرالدارى وسى وقيعا مەن لوندون ماڭىندا جٷك كٶلٸگٸنەن 39 ميگرانتتىڭ دەنەسٸ تابىلعان وقيعانىڭ اراسىندا بايلانىس بولۋى مٷمكٸندٸگٸن مەڭزەپ وتىر. ەسكە سالا كەتەيٸك, ٶتكەن ايدا ۇلىبريتانييانىڭ ەسسەكس گرافتىعىنىڭ تارروك قالاسىندا جٷك كٶلٸگٸنەن 38 ەرەسەك, 1 جاسٶسپٸرٸمنٸڭ دەنەسٸ تابىلعان بولاتىن.
