Grekiianyń soltústiginde politsiia josparly tekseris kezinde muzdatqyshy bar júk kólikte 40 shaqty migrant jasyrynǵanyn anyqtady, dep habarlaidy CNN agenttigi.
Politsiianyń málimdeýinshe, júk kóliginiń muzdatqyshy sóndirýli bolǵan, ondaǵy er adamdar da, balalar da din aman.
Sonda da migranttardyń birnesheýi dárigerge júgingen, qalǵandary politsiia ýchaskesine aty-jónin anyqtaýǵa jiberilgen. Al 40 jastaǵy júrgizýshi qamaýǵa alyndy.
Sońǵy kezde Grekiia arqyly júk kóligimen jáne basqa da kóliktermen zańsyz migrant tasymaldaý beleń ala bastaǵan. Soǵan bailanysty politsiia da tekseristi kúsheitti.
Grekiia buqaralyq aqparat quraldary osy oqiǵa men London mańynda júk kóliginen 39 migranttyń denesi tabylǵan oqiǵanyń arasynda bailanys bolýy múmkindigin meńzep otyr. Eske sala keteiik, ótken aida Ulybritaniianyń Esseks graftyǵynyń Tarrok qalasynda júk kóliginen 38 eresek, 1 jasóspirimniń denesi tabylǵan bolatyn.
