الماتى قالاسىندا ٶتٸپ جاتقان كٷرەس تٷرلەرٸنەن قازاقستان بٸرٸنشٸلٸگٸندە گرەك-ريم كٷرەسٸنەن بەس سالماقتا جەڭٸمپازدار انىقتالدى, دەپ حابارلايدى "ۇلت اقپارات".
ەلەم چەمپيوناتىنىڭ كٷمٸس جٷلدەگەرٸ, الماتىلىق قورلان جاحانشا ەل بٸرٸنشٸلٸگٸندە ەكٸنشٸ ورىندى قاناعات تۇتتى. ول 55 كەلٸ سالماقتا اقتىق سىندا جامبىلدىق جانسەرٸك سەرسەنبيەۆكە جول بەردٸ. بۇل سالماقتا ٷشٸنشٸ ورىن ەلوردالىق مارلەن مۇقاشەۆ پەن سولتٷستٸك قازاقستان وبلىسىنان كەلگەن امانعالي بەكبولاتوۆقا بۇيىردى.
جامبىلدىق تاعى بٸر بالۋان سۇلتان ەسەتۇلى 63 كەلٸدە الماتىلىق باعلان جاقانشادان ايلاسىن اسىرىپ كەتتٸ. قولا جٷلدەگە ەلوردالىق اساۋحات مۇحامەديەۆ پەن الماتى وبلىسىنىڭ بالۋانى عالىم قابدۋناساروۆ قول جەتكٸزدٸ.
ال 72 كەلٸدە اتىراۋلىق قاھارمان قيسمەتوۆ چەمپيون اتانسا, الماتىلىق ازات سادىقوۆ كٷمٸس جٷلدەگەر بولدى. ٷزدٸك ٷشتٸكتٸ الماتىلىق تەمٸرلان ٶمٸرباي مەن قىزىلوردالىق ولجاس سٷلەيمەن تٷيٸندەدٸ.
قوستانايلىق ميراس بارشىلىقوۆ 82 كەلٸدە قارسىلاس شاق كەلتٸرگەن جوق. ول فينالدا شىمكەنتتٸك شاميل باتىروۆتىڭ وسال تۇسىن تاپتى. قوستانايلىق تەمٸرلان بايعانيين مەن اقتٶبەلٸك قۋانىشبەك دوسجانوۆ قولا جٷلدەگە قول سوزدى.
قاراعاندىلىق ەرۇلان ىسقاقوۆ 97 كەلٸدە فينالدا قىزىلوردالىق ولجاس سىرلىبايدى جەڭدٸ. ٷشٸنشٸ ورىنعا شىعىس قازاقستاننان كەلگەن سالاۋات احمەتقالي مەن جامبىلدىق مەيٸربەك قورداباي يە بولدى.
