گرانت كونكۋرسىنىڭ نەتيجەلەرٸ جارييالانعاننان كەيٸن تالاپكەرلەر اراسىندا كۆوتالارعا قاتىستى سۇراقتار كٶبەيدٸ. وسىعان بايلانىستى عىلىم جەنە جوعارى بٸلٸم مينيسترلٸگٸ كۆوتا ارقىلى گرانت بٶلۋ تەرتٸبٸن تٷسٸندٸردٸ, دەپ حابارلايدى ult.kz.
مينيسترلٸكتٸڭ مەلٸمەتٸنشە, مەملەكەت ازاماتتاردىڭ جەكەلەگەن ساناتتارى ٷشٸن بٸلٸم بەرۋ گرانتتارىن بٶلۋدە كۆوتالار قاراستىرادى. ولاردىڭ قاتارىندا كٶپبالالى وتباسىلاردان شىققان بالالار, جەتٸم جەنە اتا-اناسىنىڭ قامقورلىعىنسىز قالعان بالالار, مٷگەدەكتٸگٸ بار ازاماتتار, اۋىل جاستارى جەنە زاڭنامادا بەلگٸلەنگەن باسقا دا ساناتتار بار.
ەر كۆوتا بويىنشا تالاپكەرلەر اراسىندا جەكە كونكۋرس ٶتكٸزٸلەدٸ. سوندىقتان ەر ساناتتاعى گرانتقا ٶتۋ بالى بٸردەي بولماۋى مٷمكٸن.
ٶتپەلٸ بالدىڭ ەرتٷرلٸ بولۋى بٸرنەشە فاكتورعا بايلانىستى. اتاپ ايتقاندا, بەلگٸلٸ بٸر كۆوتا بويىنشا بٶلٸنگەن گرانت سانى جەنە سول ساناتقا قاتىسقان تالاپكەرلەردٸڭ ۇبت نەتيجەلەرٸ ەسكەرٸلەدٸ.
مينيسترلٸك كۆوتا گرانتتى اۆتوماتتى تٷردە الۋعا كەپٸلدٸك بەرمەيتٸنٸن اتاپ ٶتتٸ. ياعني كۆوتاعا جاتاتىن تالاپكەرلەر دە كونكۋرسقا قاتىسادى. نەتيجەسٸندە گرانت ەر كۆوتا شەڭبەرٸندە ەڭ جوعارى بالل جيناعان تالاپكەرلەرگە بەرٸلەدٸ.
وسىلايشا, تالاپكەردٸڭ بەلگٸلٸ بٸر ساناتقا جاتۋى ونىڭ گرانتتى مٸندەتتٸ تٷردە يەلەنەتٸنٸن بٸلدٸرمەيدٸ. نەگٸزگٸ كٶرسەتكٸشتەردٸڭ بٸرٸ – كونكۋرس كەزٸندەگٸ جيناعان بالى.
