سىرتقى ٸستەر مينيسترٸ مۇحتار تٸلەۋبەردٸ گونكونگ قالاسىنا بارعىسى كەلەتٸن تۋريستەرگە سەل كٸدٸرە تۇرۋدى سۇرادى, دەپ حابارلايدى قازاقپارات.
«گونكونگ ورتالىعىندا كٶلٸكتەردٸڭ جٷرۋٸ تىعىز بولىپ جاتىر. شەرۋ, پوليتسييامەن قاقتىعىس– ۋنيۆەرسيتەت جاقتارىندا. جالپى, بٸزدٸڭ باس كونسۋلدىعىمىز ورنالاسقان جەر, باسقا اۋداندار تىنىش» دەدٸ مۇحتار تٸلەۋبەردٸ ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
سونىمەن بٸرگە, مينيستر «قازاقستاندىقتارعا ول جاققا تۋريست رەتٸندە بارۋعا بولا ما?» دەگەن سۇراققا دا جاۋاپ بەردٸ.
«تۋريستەر نەگٸزٸنەن بارادى. بٸراق, دەگەنمەن قازٸرگٸ جاعدايعا بايلانىستى سەل كٸدٸرە تۇرسا دەگەن ۇسىنىس بار» دەدٸ ول.
ەسكە سالا كەتسەك, گونكونگ قالاسىندا نارازىلار مەن پوليتسييا اراسىنداعى قاقتىعىس كەزٸندە قازاقستان ازاماتى ۇستالعانى حابارلانعان بولاتىن.
«گونكونگ قالاسى پوليتسيياسىنىڭ قازاقستاندىق ديپلوماتتارعا ۇسىنعان اقپاراتىنا سەيكەس, 18 قاراشا كٷنٸ نارازىلىق تانىتۋشىلارمەن قاقتىعىس بارىسىندا قازاقستان ازاماتى, گونكونگ باپتيست ۋنيۆەرسيتەتٸنٸڭ بٸرٸنشٸ كۋرس ستۋدەنتٸ نٷكپي ەبٸلقايىر ۇستالعان. كونسۋل ازاماتىمىزعا باردى, ونىڭ دەنساۋلىق جاي-كٷيٸ تۇراقتى, وڭ قولىنىڭ شىنتاعىندا ۇستاۋ كەزٸندە قۇلاعات سەتتە العان ازداعان جاراقاتى بار. ۇستالۋ جاعدايىنا ەشقانداي شاعىمى جوق» دەپ اتاپ ٶتكەن ەدٸ مينيسترلٸكتەن.
بۇعان دەيٸن قازاقستاننىڭ گونكونگتەگٸ باس كونسۋلدىعى گونكونگتەگٸ (قحر) جاعدايدىڭ شيەلەنٸسۋٸنە جەنە جاپپاي نارازىلىق اكتسييالارىنىڭ جالعاسۋىنا بايلانىستى ەلٸمٸزدٸڭ ازاماتتارىنا قالادا قالىپتاسقان تٶتەنشە جاعدايدى ەسكەرۋدٸ ٶتٸنگەن بولاتىن. بۇعان قوسا قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ سول جاقتاعى قازاقستاندىق ستۋدەنتتەردٸ ەلگە ورالۋعا شاقىرعان ەدٸ.
