قر سىرتقى ٸستەر مينيسترلٸگٸ ۆەدومستۆوسىندا باسپاسٶز جيىنى ٶتٸپ, گونكونگتەگٸ نارازىلىقتىڭ شىعۋىنا جەنە ۋنيۆەرسيتەتتەر اۋماعىندا, سونداي-اق ولارعا ٸرگەلەس اۋدانداردا اۋحالدىڭ شيەلەنٸسۋٸنە بايلانىستى, قازاقستاندىق ستۋدەنتتەرگە ەلگە قايتۋلارىن سۇرادى, – دەپ حابارلايدى «ۇلت اقپارات».
«اتالعان جاعدايعا بايلانىستى, 2020 جىلدىڭ قاڭتارىنا دەيٸن ساباقتاردى توقتاتۋ نەمەسە قاشىقتىقتان وقىتۋ بويىنشا ونلاين-بازاعا كٶشۋ تۋرالى شەشٸم قابىلدادى. وسىعان بايلانىستى قر سىرتقى ٸستەر مينيسترلٸگٸ گونكونگتە وقىپ جاتقان بارلىق ستۋدەنتتەرگە قازاقستانعا ورالۋدى ۇسىنادى. سونىمەن قاتار, قر ازاماتتارىن قاۋٸپسٸزدٸك جاعدايى تۇراقتانعانشا, گونكونگكە اسا قاجەتتٸلٸكسٸز بارماۋعا شاقىرادى» دەدٸ رەسمي ٶكٸل ايبەك سماديياروۆ.
قر سٸم رەسمي ٶكٸلٸ گونكونگتە بولۋعا مەجبٷر ازاماتتارعا بارلىق ساقتىق شارالارىن قابىلداۋدى سۇرادى.
«باق-تا جەنە گونكونگتەگٸ قازاقستاننىڭ باس كونسۋلدىعىنىڭ رەسمي سايتىندا اقپاراتتى باقىلاپ وتىرۋعا بولادى. بٸزدٸڭ ازاماتتارىمىزدىڭ قاۋٸپسٸزدٸگٸن قامتاماسىز ەتۋ جەنە ەلگە ۋاقتىلى قايتىپ كەلۋ ماقساتىندا «ەير-استانا» ەۋە كومپانيياسىمەن ايىپپۇل تٶلەۋ جەنە باعا ايىرماشىلىعىن تٶلەمەستەن بۇرىن ساتىپ الىنعان بيلەتتەرگە ۇشۋ كٷنٸن ٶزگەرتۋ مٷمكٸندٸگٸ تۋرالى كەلٸسٸمگە قول جەتكٸزٸلدٸ. ستۋدەنتتەردٸڭ كٶپشٸلٸگٸنٸڭ جەلتوقسان ايىنىڭ سوڭىنا دەمالىسقا سەيكەس بيلەتتەرٸ بار» دەدٸ ول.
سونىمەن قاتار, گونكونگتەگٸ قازاقستاننىڭ باس كونسۋلدىعى قازاقستاندىق ستۋدەنتتەر قاۋىمداستىعىمەن بٸرلەسٸپ, ستۋدەنتتەردٸ جيناۋ مەن ەۋەجايعا دەيٸن تاسىمالداۋ شارالارى جٷرگٸزٸلٸپ جاتقانىن اتاپ ٶتتٸ.
«بٷگٸنگٸ تاڭدا قازاقستانعا 118 ستۋدەنت قايتىپ كەلدٸ. الداعى كٷندەرٸ 40-قا جۋىق ستۋدەنتتٸ قايتارۋ جوسپارلانىپ وتىر» دەدٸ ا.سماديياروۆ.
