QR Syrtqy ister ministrligi vedomstvosynda baspasóz jiyny ótip, Gonkongtegi narazylyqtyń shyǵýyna jáne ýniversitetter aýmaǵynda, sondai-aq olarǵa irgeles aýdandarda aýhaldyń shielenisýine bailanysty, qazaqstandyq stýdentterge elge qaitýlaryn surady, – dep habarlaidy «Ult aqparat».
«Atalǵan jaǵdaiǵa bailanysty, 2020 jyldyń qańtaryna deiin sabaqtardy toqtatý nemese qashyqtyqtan oqytý boiynsha onlain-bazaǵa kóshý týraly sheshim qabyldady. Osyǵan bailanysty QR Syrtqy ister ministrligi Gonkongte oqyp jatqan barlyq stýdentterge Qazaqstanǵa oralýdy usynady. Sonymen qatar, QR azamattaryn qaýipsizdik jaǵdaiy turaqtanǵansha, Gonkongke asa qajettiliksiz barmaýǵa shaqyrady» dedi resmi ókil Aibek Smadiiarov.
QR SIM resmi ókili Gonkongte bolýǵa májbúr azamattarǵa barlyq saqtyq sharalaryn qabyldaýdy surady.
«BAQ-ta jáne Gonkongtegi Qazaqstannyń Bas konsýldyǵynyń resmi saitynda aqparatty baqylap otyrýǵa bolady. Bizdiń azamattarymyzdyń qaýipsizdigin qamtamasyz etý jáne elge ýaqtyly qaityp kelý maqsatynda «Eir-Astana» áýe kompaniiasymen aiyppul tóleý jáne baǵa aiyrmashylyǵyn tólemesten buryn satyp alynǵan biletterge ushý kúnin ózgertý múmkindigi týraly kelisimge qol jetkizildi. Stýdentterdiń kópshiliginiń jeltoqsan aiynyń sońyna demalysqa sáikes biletteri bar» dedi ol.
Sonymen qatar, Gonkongtegi Qazaqstannyń Bas konsýldyǵy qazaqstandyq stýdentter qaýymdastyǵymen birlesip, stýdentterdi jinaý men áýejaiǵa deiin tasymaldaý sharalary júrgizilip jatqanyn atap ótti.
«Búgingi tańda Qazaqstanǵa 118 stýdent qaityp keldi. Aldaǵy kúnderi 40-qa jýyq stýdentti qaitarý josparlanyp otyr» dedi A.Smadiiarov.
