دٷنيەجٷزٸلٸك بوكس ۇيىمىنىڭ (WBO) پرەزيدەنتٸ پاكو ۆالكارسەل ورتا سالماقتاعى ەلەم چەمپيونى بيللي دجو سوندەرسكە (26-0, 12 كو) قاتىستى قابىلدانعان شەشٸمدٸ جارييا ەتتٸ, دەپ حابارلادى Sputnik اگەنتتٸگٸ Sports.kz پورتالىنا سٸلتەمە جاساپ.
بريتانييالىق بوكسشىنىڭ قانىنان دوپينگ (وكسيلوفرين) تابىلىپ, ونىڭ بوستونداعى (اقش, ماسساچۋسەتس شتاتى) امەريكالىق دەمەتريۋس اندرادەمەن (25-0, 16 كو) جەكپە-جەگٸ توقتاتىلدى – شتات كوميسسيياسى سوندەسركە بوكس ليتسەنزيياسىن بەرۋدەن باس تارتتى.
"بيللي دجو سوندەرس ورتا سالماقتاعى WBO تۇجىرىمى بويىنشا ەلەم چەمپيونى تيتۋلىن ٶز ەركٸمەن بوساتىپ, ماسساچۋسەتس شتاتى كوميسسيياسىنىڭ دوپينگكە قارسى ەرەجەسٸن بۇزعانى ٷشٸن جۇرت الدىندا كەشٸرٸم سۇرادى. وسىلايشا, 20 قازاندا دەمەتريۋس اندرادە مەن ۋولتەر كاۋتوندوكۆا بوس قالعان "تەج" ٷشٸن ايقاسادى. سونداي-اق مەن WBO اتقارۋشى كوميتەتٸنە سوندەرستٸ زاڭ بۇزعانى ٷشٸن التى ايعا بوكستان شەتتەتۋگە كەڭەس بەرەمٸن", — دەپ جازدى ۆالكارسەل تۆيتتەردەگٸ پاراقشاسىندا.
كٶپتەگەن شەتەلدٸك باق سوندەرس ورتا سالماقتاعى ەدەۋٸر اتاقتى بوكسشىلار – قازاقستاندىق گەنناديي گولوۆكين (38-1-1, 34 كو) مەن مەكسيكالىق ساۋل الۆارەسپەن (50-1-2, 34 كو) جۇدىرىقتاساتىن جالعىز مٷمكٸندٸگٸنەن ايىرىلعانىن جازىپ جاتىر.
