قازاقستاندىق بوكسشى گەنناديي گولوۆكيننٸڭ (37-0-1, 33 كو) پروموۋتەرٸ توم لەففلەر مەكسيكالىق بوكسشى ساۋل الۆارەسپەن (49-1-2, 34 كو) رەۆانش مامىر ايىندا ٶتەدٸ دەگەن سەنٸمدە. بۇل تۋرالى Sports.kz. حابارلايدى.
«رەۆانش تۋرالى كەلٸسٸمگە وڭاي كەلەمٸز دەپ ويلايمىن. گەنناديي جەكپە-جەككە دايىن, ول - چەمپيون. دەل سول سيياقتى «كانەلو» دا جەڭٸمپاز بولعىسى كەلەدٸ. ەگەر رەۆانش بولسا, وندا ول 5 مامىردا بولۋى تيٸس. ەگەر سپورتتىق بەسەكەنٸ دەل وسى مەرزٸمدە ٶتكٸزۋگە مٷمكٸندٸك بولماسا, وندا بٸز HBO-مەن گەننادييدٸڭ ناۋرىز نەمەسە سەۋٸر ايلارىندا بەسەكەگە تٷسۋٸ تۋرالى كەلٸسسٶز جٷرگٸزەتٸن بولامىز», - دەدٸ لەففلەر The Ring-كە بەرگەن سۇحباتىندا.
