Qazaqstandyq boksshy Gennadii Golovkinniń (37-0-1, 33 KO) promoýteri Tom Leffler meksikalyq boksshy Saýl Alvarespen (49-1-2, 34 KO) revansh mamyr aiynda ótedi degen senimde. Bul týraly Sports.kz. habarlaidy.
«Revansh týraly kelisimge ońai kelemiz dep oilaimyn. Gennadii jekpe-jekke daiyn, ol - chempion. Dál sol siiaqty «Kanelo» da jeńimpaz bolǵysy keledi. Eger revansh bolsa, onda ol 5 mamyrda bolýy tiis. Eger sporttyq básekeni dál osy merzimde ótkizýge múmkindik bolmasa, onda biz HBO-men Gennadiidiń naýryz nemese sáýir ailarynda básekege túsýi týraly kelissóz júrgizetin bolamyz», - dedi Leffler The Ring-ke bergen suhbatynda.
