ورتا سالماقتاعى IBF جەنە IBO چەمپيونى گەنناديي گولوۆكيننٸڭ باپكەرٸ دجوناتان بەنكستٸڭ ايتۋىنشا, قازاقستاندىق بوكسشى 12 قىركٷيەكتە WBA ورتا سالماقتاعى چەمپيونى ساۋل الۆارەسپەن جەكپە-جەك ٶتكٸزبەيدٸ, - دەپ جازادى Prosports.kz.
كانەلونىڭ كومانداسى قىركٷيەك ايىندا جەكپە-جەك ٶتكٸزۋگە شاقىردى, بٸراق مەن باس تارتتىم. بٸزدٸڭ جوسپارىمىز - كاميل شەرەمەتاعا قارسى شايقاس, سودان كەيٸن تاعى بٸر جەكپە-جەك بار. سودان كەيٸن عانا بٸز «كانەلومەن» شايقاسقا دايىن بولامىز. بۇرىن بٸز الۆارەستٸڭ كومانداسىنا جەكپە-جەك ٶتكٸزۋگە دايىن ەكەنٸمٸزدٸ جەتكٸزگەن ەدٸك, بٸراق ولار باس تارتتى. ەندٸ «كانەلو» گولوۆكينمەن جەكپە-جەككە دايىن ەكەنٸن ايتادى. بٸراق گەننادييدٸڭ باسقا جوسپارلارى بار. ەگەر ولارعا بۇل جەكپە-جەك قاتتى قاجەت بولسا, كەيٸنٸرەك ٶتەدٸ. بٸز مۇنى بٸرگە جاساۋىمىز كەرەك, - دەدٸ بەنكس.
ەسكە سالايىق, GGG ورتا سالماقتاعى IBF تيتۋلىن قورعاۋ ٷشٸن مٸندەتتٸ جەكپە-جەك ٶتكٸزۋٸ كەرەك. جوسپار بويىنشا ماۋسىم ايىندا گولوۆكين پولياك كاميل شەرەمەتامەن جۇدىرىقتاسۋى تيٸس بولاتىن.
