ورتا سالماقتاعى بۇرىنعى ەلەم چەمپيونى گەنناديي گولوۆكيننٸڭ باپكەرٸ بولعان ابەل سانچەس بوكسشى مانسابىنا قاتىستى كەيبٸر دەرەكتەردٸ جايىپ سالدى, دەپ حابارلايدى قازاقپارات Sports.kz-كە سٸلتەمە جاساپ.
گەنناديي باپكەرٸ سانچەسپەن كەلٸسٸمشارتتى ٷزەتٸندٸگٸنە قاتىستى مەلٸمدەمەسٸندە سىپايىلىق ساقتاعان بولسا, ابەل ٶز سۇحباتىندا بويىن كەرنەگەن ىزاسىن جاسىرا المادى. وعان باپكەرلٸك قىزمەتٸ ٷشٸن اقىنىڭ قىسقاراتىنى ۇناماعان. ارتىنشا, مۇنىڭ استارىندا اقشا مەسەلەسٸ جاتقانىن ايتتى.
«جاقسىلىقتى بٸلمەيتٸن اشكٶز. ول جۋىردا عانا DAZN-مەن 100 ميلليون دوللارعا كەلٸسٸمشارت جاساستى. بۇدان كەيٸن اقشا جەتپەيتٸندٸگٸن العا تارتىپ, تٷبەگەيلٸ شاراعا بارۋعا مەجبٷر ەكەندٸگٸڭٸزدٸ ايتۋعا بولا ما? وسىنىڭ بەرٸ اقشا ٷشٸن. مەن ولاردىڭ بۇل قورلىعىنا شىداي الماس ەدٸم. بۇل ىزاڭدى كەلتٸرەدٸ. سەبەبٸ بۇل جٸگٸت مۇنداي قادامعا باراتىنىن ەشقاشان ويلاعان ەمەسپٸن. ونى ۇياتى بار, ادال, تەربيەلٸ دەپ ويلايتىنمىن. بۇل ونى وسىنشاما ٶزگەرتەتٸنٸن ويلاماپپىن. مەن ىزاعا بۋلىعىپ وتىرمىن», - دەدٸ سانچەس ESPN-گە بەرگەن سۇحباتىندا.
قازاقستاندىق بوكسشى گەنناديي گولوۆكين مەكسيكالىق باپكەرٸ ابەل سانچەسپەن جۇمىسىن توقتاتقانى تۋرالى بۇعان دەيٸن حابارلاعان بولاتىنبىز.
«مەن ٶزٸم ٷشٸن, مانسابىم ٷشٸن ماڭىزدى شەشٸم قابىلداعانىمدى جەتكٸزگٸم كەلەدٸ. جەتٸستٸكتەرٸمە سٷيەنە وتىرىپ, ٶزٸمدٸ جەتٸلدٸرە تٷسكٸم كەلەدٸ. سوندىقتان ەندٸ ابەل سانچەسپەن جاتتىعۋ ٶتكٸزبەيمٸن. بۇل مەن ٷشٸن وڭاي شەشٸم بولعان جوق ەرٸ مۇنىڭ ابەلدٸڭ كەسٸبي قابٸلەتٸنە دە ەش قاتىسى جوق. ول - تاماشا باپكەر, جۇمىسىنا ادال, داڭق زالىنا اتى جازىلعان باپكەر. جاڭا باپكەرٸم تۋرالى كەيٸنٸرەك حابارلايمىن. ال بٷگٸن بوكستا بەرگەن ساباقتارى ٷشٸن ابەلگە العىس ايتامىن», - دەدٸ ول.
