جەڭٸلٸپ كٶرمەگەن قازاقستاندىق كەسٸپقوي بوكسشى ەلي احمەدوۆ (14-0, 10كو) 8 ماۋسىمدا نيۋ-يوركتە ٶتەتٸن گەنناديي گولوۆكين (38-1-1, 34كو) - ستيۆ روللس (19-0, 10كو) ايقاسىنىڭ اندەركارتىندا رينگكە شىعادى.
بۇل تۋرالى قازاقستان كەسٸپقوي بوكس فەدەراتسيياسىنىڭ ۆكونتاكتە پاراقشاسىندا جازىلدى.
«احمەدوۆتىڭ ايقاسى BoxRec.com سايتىنىڭ پروفيلٸندە تٸركەلدٸ. قازاقستاندىقتىڭ قارسىلاسىنىڭ كٸم بولارى ەلٸ بەلگٸسٸز. ەلي - GGG Promotions پروموۋتەرلٸك كومپانيياسىنىڭ كليەنتٸ ەكەنٸن اتاپ ٶتكٸم كەلەدٸ», - دەلٸنگەن حابارلامادا.
سونىمەن بٸرگە, گولوۆكين-روللس ايقاسىنىڭ اندەركارتىندا ورتا سالماقتاعى امەريكالىق برايان سەبالو (8-0, 4كو) پەن جەڭٸل سالماقتاعى ماريو راموس (8-0, 7كو) ٶنەر كٶرسەتەدٸ. ولاردىڭ دا قارسىلاستارى الداعى ۋاقىتتا بەلگٸلٸ بولادى.
قازاقستاندىق بوكسشى 8 ماۋسىمدا نيۋ-يوركتەگٸ (اقش) Madison Square Garden ارەناسىندا 35 جاستاعى كانادالىق بوكسشى ستيۆ روللسپەن (19-0, 10 كو) كەزدەسەتٸنٸن بۇعان دەيٸن جازعان ەدٸك.
ستيۆ روللس كەسٸبي بوكسقا 2011 جىلى اۋىسىپ, ەكٸنشٸ ورتا سالماقتا (76,2 كەلٸ) ٶنەر كٶرسەتە باستادى. جەكپە-جەكتەردٸڭ باسىم بٶلٸگٸن ٶز ەلٸندە ٶتكٸزگەن. التى رەت اقش-تا جۇدىرىقتاستى. س.روللس وسى ۋاقىتقا دەيٸن بٸردە-بٸر رەت جەڭٸلمەگەن. 19 جەكپە-جەكتٸ 10 رەت نوكاۋتپەن اياقتاعان.
