دٷنيەجٷزٸلٸك بوكس كەڭەسٸنٸڭ (WBC) پرەزيدەنتٸ ماۋريسيو سٷلەيمان مەكسيكالىق سپورتشى ساۋل «كانەلو» الۆارەس پەن گەنناديي گولوۆكيننٸڭ اراسىنداعى ٷشٸنشٸ كەزدەسۋگە قاتىستى پٸكٸر بٸلدٸردٸ, دەپ حابارلايدى "ۇلت اقپارات" Vesti.kz باسىلىمىنا سٸلتەمە جاساپ.
«كانەلو» مٸندەتتٸ تٷردە قورعانۋى مٷمكٸن, دەگەنمەن ونى ەرٸكتٸ تٷردە ورىنداۋى دا ىقتيمال. الايدا بٸز گولوۆكيننٸڭ رەۆانش سۇراعانىن بٸلەمٸز. ەزٸرگە بۇل جەكپە-جەك ناقتى بولاتىنى تۋرالى شەشٸلگەن جوق, بٸراق ول ٶتكٸزگٸسٸ كەلەتٸنٸن ايتتى», - دەدٸ كيەۆتٸ وسى كٷندەرٸ ٶتٸپ جاتقان WBC كونۆەنتسيياسىندا سٷلەيمان.
WBC سەريياسى بويىنشا الۆارەستٸڭ كەلەسٸ مٸندەتتٸ قارسىلاسى – دجەرمالل چارلو. ال «كانەلو» 15 جەلتوقساندا رينگكە شىعىپ, ورتا سالماقتاعى ەكس-چەمپيون داۆيد لەمەمەن جۇدىرىقتاسۋى مٷمكٸن.
گولوۆكين وسى جىلداعى جەكپە-جەگٸن «كانەلومەن» ٶتكٸزدٸ. ەندٸ GGG 2019 جىلدىڭ كٶكتەمٸندە رينگكە شىعۋى ىقتيمال.
ەسكە سالا كەتسەك, GGG مەن «كانەلونىڭ» العاشقى جەكپە-جەگٸ 2017 جىلى ٶتٸپ, تەڭبە-تەڭ ەسەبٸمەن اياقتالعان. بٸر جىل ٶتكەننەن كەيٸن ٶتكەن ەكٸنشٸ جەكپە-جەكتە مەكسيكالىق بوكسشى جەڭٸسكە جەتكەن.
