Boxingnews24.com جۋرناليسٸ شون دجونس ساۋل الۆارەستٸڭ (51-1-2, 34 كو) پروموۋتەرٸ وسكار دە لا حوييانىڭ گەنناديي گولوۆكينمەن (38-1-1, 34 كو) ٷشٸنشٸ جەكپە-جەك تۋرالى سٶزدەرٸنە قاتىستى تٷسٸنٸكتەمەسٸن بەردٸ, دەپ حابارلايدى Sports.kz.
دە لا حوييا گولوۆكين-«كانەلو» اراسىنداعى ٷشٸنشٸ جەكپە-جەكتٸڭ ناقتى بولاتىنىن مەلٸم ەتتٸ. الايدا, ول ايقاستىڭ قاشان بولاتىنىن اتاعان جوق, دەپ بٶلٸستٸ دجونس.
«ەگەر گولوۆكين زەينەتكە شىقپاسا, ول «كانەلومەن» جەكپە-جەككە شىعۋ ٷشٸن 2020 جىلدى كٷتۋٸ ەبدەن مٷمكٸن. ەگەر اتالمىش تريلوگييا ٶتسە, بۇل 38 جاستاعى گولوۆكينعا قارسى جەكپە-جەك بولادى», - دەپ جازدى اۆتور.
ەسكە سالا كەتەيٸك, گولوۆكين مەن «كانەلو» اراسىنداعى بٸرٸنشٸ جەكپە-جەك تەڭ اياقتالعان, ال ەكٸنشٸسٸندە تٶرەشٸلەردٸڭ باسىم بٶلٸگٸنٸڭ شەشٸمٸمەن جەڭٸس مەكسيكالىق بوكسشىعا بەرٸلگەن.
