ورتا سالماقتاعى بۇرىنعى ەلەم چەمپيونى گەنناديي گولوۆكين رينگتەگٸ بەلسەندٸلٸگٸن ارتتىرىپ, بٸر جىلدا تٶرت جەكپە-جەككە دەيٸن ٶتكٸزۋدٸ جوسپارلاۋدا, دەپ حابارلايدى Sports.kz پورتالى.
8 ماۋسىمدا گەنناديي كانادالىق ستيۆ روللسپەن جەكپە-جەك ٶتكٸزەدٸ. سودان كەيٸن قىركٷيەكتە ساۋل «كانەلو» الۆارەسپەن ٷشٸنشٸ ايقاس ٶتكٸزۋگە نيەتتٸ. بۇدان بٶلەك, رينگكە جىلدىڭ سوڭىنا قاراي شىعۋى مٷمكٸن ەكەنٸن جوققا شىعارمادى.
«مەنٸڭ DAZN-مەن كەلٸسٸمشارتىم التى ايقاسقا جوسپارلانعان. ەگەر روللسپەن ايقاس سەتتٸ ٶتسە, كەلەسٸ جەكپە-جەك قىركٷيەكتە بولادى. ەشقانداي پروبلەما («كانەلومەن») تۋىنداماسا, رينگكە جەلتوقساندا ورالعىم كەلەدٸ. مەن قولىمنىڭ بوس بولعانىن قالامايمىن. بۇل - مەنٸڭ ستيلٸم. مەن بۇرىنعى مەكتەپتٸڭ بوكسشىسى بولعاندىقتان, جىلىنا ەكٸ رەت ەمەس, بٸرنەشە رەت بوستاسقىم كەلەدٸ. ٷش-تٶرت جەكپە-جەك ٶتكٸزگٸم كەلەدٸ. چەمپيون بولۋدى قالايمىن», - دەپ كەلتٸرەدٸ GGG-دٸڭ سٶزٸن Los Angeles Times.
