ورتا سالماقتا WBA Super, WBC, IBF جەنە IBO تۇجىرىمدارى بويىنشا بۇرىنعى ەلەم چەمپيونى گەنناديي گولوۆكين (39-1-1, 35 كو) سەرگەي دەرەۆيانچەنكومەن (13-1, 10 كو) ٶتكٸزەتٸن تيتۋلدىق جەكپە-جەك الدىنان اشىق جاتتىعۋ ٶتكٸزدٸ, دەپ حابارلايدى "ۇلت اقپارات" Sports.kz-كە سٸلتەمە جاساپ.
بوكسشى الدىمەن ەت قىزدىرۋ ٷشٸن جالعىز جاتتىعۋ جاساپ, ارتىنشا باپكەرٸ دجوناتان بەنكسپەن جۇمىس ٸستەدٸ.
ەسكە سالا كەتەيٸك, گولوۆكين — دەرەۆيانچەنكو بوكس كەشٸ نيۋ-يوركتەگٸ (اقش) Madison Square Garden ارەناسىندا نۇر-سۇلتان ۋاقىتىمەن 6 قاراشا كٷنٸ تاڭعى 6-دا باستالادى. بوكسشىلار ورتا سالماقتا IBF جەنە IBO تۇجىرىمدارىنىڭ بوس تۇرعان بەلدٸكتەرٸنە تالاسادى. وسى بوكس كەشٸنٸڭ اندەركاردىندا تاعى بٸر قازاق بوكسشىسى ەلي احمەدوۆ (15-0, 11 كو) ٶنەر كٶرسەتەدٸ. ونىڭ قارسىلاسى امەريكالىق ەندريۋ ەرناندەس (20-7-2, 9 كو).
