قازاقستاندىق كەسٸپقوي بوكسشى گەنناديي گولوۆكين (39-1-1, 35كو) مەن ۋكراينالىق سەرگەي دەرەۆيانچەنكونىڭ (13-1, 10كو) كەزدەسۋٸندە ەلەم چەمپيونىنىڭ تاعى بٸر بەلدٸگٸ ساراپقا سالىنادى, دەپ حابارلايدى "ۇلت اقپارات".
بوكسشىلار IBF نۇسقاسى بويىنشا بوس تۇرعان ورتا سالماقتاعى ەلەم چەمپيونى تيتۋلىنا تالاساتىنى بۇعان دەيٸن حابارلانعان ەدٸ. ۆكونتاكتە ەلەۋمەتتٸك جەلٸسٸندەگٸ «قازاقستان كەسٸپقوي بوكسى» پاراقشاسىنداعى مەلٸمەتكە سەيكەس, اتالمىش ايقاستا ودان بٶلەك IBO ۆاكانتتى تيتۋلى ساراپقا سالىنادى. بۇل تۋرالى حالىقارالىق بوكس ۇيىمى ٶزٸنٸڭ رەسمي سايتىندا جارييا ەتكەن.
«ورتاشا سالماقتا IBO تيتۋلىنىڭ يەگەرٸ دەل وسى گەنناديي گولوۆكين بولاتىن. ول تيتۋل 2011 جىلدان 2018 جىلعا دەيٸن GGG-دە تيەسٸلٸ ەدٸ. سونداي-اق, قازاقستاندىق بوكسشى 2010 جىلدان 2018 جىلعا دەيٸن WBA چەمپيونى, 2016-2018 جىلدارى ارالىعىندا WBC چەمپيونى بولدى», - دەلٸنگەن حابارلامادا.
IBO تيتۋلى كەسٸپقوي بوكستاعى مەرتەبەسٸ بويىنشا بەسٸنشٸ تيتۋل سانالادى. مەسەلەن, ەلەمنٸڭ ابسوليۋتتٸ چەمپيونى اتاعى ٷشٸن تەك WBC, WBA (Super), WBO جەنە IBF بەلدٸكتەرٸنە يە بولۋ كەرەك.
ەسكە سالا كەتسەك, گولوۆكين-دەرەۆيانچەنكو جەكپە-جەگٸ 5 قازاندا نيۋ-يوركتەگٸ (اقش) «Madison Square Garden» ارەناسىندا ٶتەدٸ. بوكسشىلار ەكٸ تيتۋل ٷشٸن تالاسادى.
