قازاقستاندىق بوكسشى گەنناديي گولوۆكين (38-1-1, 34 كو) لوس-اندجەلەستە جاڭا ەرٸپتەسٸ DAZN ستريمينگٸلٸك سەرۆيسٸمەن بٸرلەسكەن باسپاسٶز مەسليحاتىن ٶتكٸزدٸ, دەپ حابارلايدى قازاقپارات تٸلشٸسٸ.
باسپاسٶز مەسليحاتىنىڭ تولىق نۇسقاسى Youtube ۆيدەوحوستينگٸندەگٸ DAZN USA ارناسىندا جارييالاندى.
«ەركٸن اگەنت بولعاندىقتان مەنٸڭ ەگجەي-تەگجەيلٸ ويلانۋعا ۋاقىتىم بولدى. DAZN مەنٸڭ يدەيالارىمدى ٸسكە اسىراتىن, بوكستىڭ جاڭا دەڭگەيٸنە شىعاراتىن مٷمكٸندٸك ەرٸ بولاشاقتا بارلىق بوكسشىنىڭ ٷيٸ بولادى دەپ ويلايمىن», - دەدٸ گولوۆكين.
بوكسشى DAZN-مەن جاساعان كەلٸسٸمشارت بويىنشا 6 كەزدەسۋدٸڭ بارلىعىن ويداعىداي ٶتكٸزە الاتىنىن ايتتى.
«مەن ٶزٸمدٸ جاقسى سەزٸنەمٸن. وسى التى جەكپە-جەكتەن كەيٸن تاعى ويلانىپ كٶرەمٸز. بۇل ەزٸرگە بٸزدٸڭ العاشقى قادامىمىز», - دەدٸ ول.
گولوۆكين باسپاسٶز مەسليحاتى كەزٸندە الداعى ماقساتى - ٷزدٸك بوكسشى اتانۋ ەكەنٸن اتاپ كٶرسەتتٸ.
«بەلدٸكتەردٸ بٸرٸكتٸرۋ اينالاسىندا كٶپ ساياسات بار ەكەنٸن قازٸر كٶپشٸلٸك تٷسٸنەدٸ. بٷكٸل بەلدٸكتٸڭ يەسٸ بولا وتىرىپ, ٷزدٸك بوكسشى اتانباعان بوكسشىلار دا بار. ماقسات - جاي عانا بەلدٸكتٸڭ يەسٸ بولۋ ەمەس, ەلەمدە ٷزدٸك بولۋ», - دەدٸ GGG.
گەنناديي سونداي-اق «كانەلومەن» ٷشٸنشٸ ايقاسقا قاتىستى پٸكٸر بٸلدٸردٸ.
«ەرينە, ٶتكەن كەزدەسۋلەردەن بٸز ٷلكەن تەجٸريبە جيناقتادىق. ٷشٸنشٸ جەكپە-جەك قىزىققا ەرٸ بەسەكەگە تولى بولۋى ٷشٸن قولدان كەلگەننٸڭ بەرٸن جاسايمىز», - دەدٸ گولوۆكين.
«بۇل مەن ٷشٸن ماڭىزدى پۋنكت بولدى. بٸراق قازٸر ەڭ ٷلكەن, ەڭ قىزىقتى جەكپە-جەكتەردٸ ٶتكٸزگٸمٸز كەلەدٸ. بٸز بوكس ەلەمٸنٸڭ شىڭىندا بولۋدى قالايمىز», - دەپ قوستى ول.
بۇدان بٶلەك, قازاقستاندىق بوكسشى باسقا سالماق ساناتىنا اۋىسۋ مٷمكٸندٸگٸن دە جوققا شىعارمادى.
«ٶزدەرٸڭٸز بٸلەسٸزدەر, مەن DAZN-عا ٷزدٸك بوكسشىلارمەن جۇدىرىق تٷيٸستٸرۋ ٷشٸن كەلگەنمٸن. ەگەر باسقا سالماق ساناتىندا قىزىقتى جەكپە-جەك ٶتكٸزۋ مٷمكٸندٸگٸ بولسا, سول سالماققا اۋىسامىن», - دەدٸ.
