WBA, WBC مەن IBO بويىنشا ەلەم چەمپيونى گەنناديي گولوۆكين الداعى جوسپارلارىمەن بٶلٸستٸ, دەپ حابارلايدى قازاقپارات تٸلشٸسٸ.
«مەن الدىمەن قازاقستانعا بارىپ كەلەمٸن. سوسىن كەلەسٸ اپتادا دايىندىققا كٸرٸسەتٸن شىعارمىن. ٷيگە بارعىم كەلٸپ جٷر. دوستارىمدى, تۋعان-تۋىستارىمدى كٶرگٸم كەلەدٸ. قازٸر مەندە بوس ۋاقىت بار. ال كەلەسٸ اپتادان باستاپ تولىعىمەن بوكسقا بەرٸلۋٸم كەرەك», - دەدٸ گ.گولوۆكين Yahoo! Sports سايتىنا بەرگەن سۇحباتىندا.
بۇدان بٶلەك, GGG الداعى جەكپە-جەككە قاتىستى ٶز ويىن بٸلدٸردٸ. ساۋل الۆارەسكە قارسى باسقا ستراتەگييانى قولداناتىنىن دا جەتكٸزدٸ. «ول ماعان شابۋىل جاساسا, تٸپتٸ جاقسى. جانكٷيەرلەرگە ونداي بوكس ۇنايدى. سوسىن مەنٸڭ الداعى جەكپە-جەككە قاتىستى كٶزقاراسىم ٶزگەردٸ. قازٸر مەن ول ايقاسقا باسقاشا قارايمىن, ەموتسييام دا ٶزگەشە. ستراتەگييام دا ٶزگەردٸ», - دەپ اتاپ كٶرسەتتٸ گ.گولوۆكين.
ايتا كەتەيٸك, گەنناديي گولوۆكين مەن ساۋل الۆارەس اراسىنداعى ەكٸنشٸ جەكپە-جەك 15 قىركٷيەكتە اقش-تىڭ لاس-ۆەگاس شتاتىندا ٶتەدٸ. بوكس كەشٸ ٶتەتٸن جەر - «T-Mobile Arena». بٸرٸنشٸ جەكپە-جەك تە اتالعان سپورت كەشەنٸندە ۇيىمداستىرعان بولاتىن. ەكٸ بوكسشى بٸراز پٸكٸرتالاستان كەيٸن گونوراردى 57,5/42,5 ەتٸپ, ٶزارا بٶلٸسۋگە كەلٸستٸ. اقشانىڭ باسىم بٶلٸگٸن «كانەلو» الىپ كەتەدٸ. دەگەنمەن, كەيبٸر ساراپشىلار گولوۆكين 45 پروتسەنتتٸ «جۇلىپ الدى» دەپ وتىر. سەبەبٸ GGG 42,5-تەن بٸردەن باس تارتقان بولاتىن. الايدا بٸر ساعاتتىڭ ٸشٸندە تيٸمدٸ ۇسىنىس تٷسكەننەن كەيٸن كەلٸسٸمشارتتى رەسٸمدەۋگە كەلٸستٸ. الايدا ەكٸ جاق اتالعان قۇجاتتا كٶرسەتٸلگەن پروتسەنتتەردٸ جارييالاماۋعا ۋاعدالاستى. سونىڭ سالدارىنان سپورت ساراپشىلارى «تيٸمدٸ ۇسىنىستىڭ» شارتتارىن بٸلە الماي وتىر.
