سونىمەن, گەنا جەڭٸلدٸ. دەل تيگەن سوققىسىنىڭ سانى (234:202) بويىنشا بٸزدٸڭ جٸگٸت الدا بولعانىمەن, جەڭٸس كانەلوعا بەرٸلدٸ. ول تٷسٸنٸكتٸ دە. ٶيتكەنٸ, بۇل جەكپە-جەكتٸڭ نەتيجەسٸنە رينگتەگٸ جۇدىراقتاسۋدان بٶلەك ٶزگە دە شەشۋشٸ فاكتورلار ەسەر ەتكەنٸ سٶزسٸز.
ولار: گەنا - قانشاما مىقتى بولىپ, جانكٷيەرٸ كٶپ بولسا دا, اقش-تا كەسٸپقوي بوكس ەلەمٸ ٷشٸن بٶتەن جان; كانەلو – كەسٸپقوي بوكستاعى ەڭ ىقپالدى پروموۋتەرلٸك كومپانييا Golden boy promotions-تٸڭ باستى جۇلدىزى, ياعني نەگٸزگٸ تابىس كٶزٸ;
كەسٸپقوي بوكستىڭ وتانى – اقش بولسا, ونداعى نەگٸزگٸ جانكٷيەر, ياعني تابىس كٶزٸ مەكسيكالىقتار ەكەنٸ بەلگٸلٸ. سول سەبەپتٸ دە نەگٸزگٸ بوكس كەشتەرٸ مەكسيكالىقتاردىڭ ۇلتتىق مەرەكەلەرٸ – 5-مامىرداعى سينكو دە مايو جەنە 16-قىركٷيەكتەگٸ مەكسيكانىڭ تەۋەلسٸزدٸك كٷنٸ مەيرامىنا وراي ۇيىمداستىرىلادى. ٶيتكەنٸ, مول تابىس تابادى. سول سەبەپتٸ دە كەسٸپقوي بوكستاعى كەز-كەلگەن وقيعانى ٷلكەن بيزنەسپەن بايلانىستىرادى.
ال بۇل سالانىڭ جازىلماعان ٶز زاڭى مەن تەرتٸبٸ بار. وعان سىرتتان بٶتەندەردٸ كٶپ جولاتا بەرمەيدٸ. تەك مىقتىلاردىڭ مىقتىسى عانا قارسىلىقتارعا قاراماستان, كەدەرگٸلەردٸ بۇزىپ, سول ەلەمگە جول سالا الادى. گەنا - سولاردىڭ بٸرٸ. ول ٶزٸنٸڭ تازا تالانتىنىڭ, ەڭبەكقورلىعىنىڭ ارقاسىندا كەسٸپقوي بوكس ەلەمٸنە ٶزٸن مويىنداتتى. ميللياردتاعان دوللار قارجى اينالىپ جٷرگەن سالادا ٶزٸنٸڭ دە «تالاسى» بار ەكەنٸن دەلەلدەدٸ. GGG برەندٸن قازٸر بۇل سالاعا قاتىسى باردىڭ بەرٸ بٸلەدٸ. گەنا قازٸر ٶز تالاپتارىن قويا الادى. كەسٸپقوي بوكس ەلەمٸ ونىمەن ەسەپتەسەدٸ. بٸراق, بۇل مەڭگٸلٸك وسىلاي بوپ قالا بەرەدٸ دەگەن سٶز ەمەس. نەبٸر مىقتى بوكسشىلار جەڭٸلٸپ, باسىنان باق تايعان سوڭ تەز ۇمىتىلىپ كەتتٸ. گەناعا قاتىستى بٸز وندايعا جول بەرمەۋگە تيٸسپٸز.
يە, كەشەگٸ «جەڭٸلٸستەن» كەيٸن كەيبٸر كەراۋىزداردى ەسەپتەمەگەندە, قازاقستاندىقتاردىڭ بارلىعى قولداۋ بٸلدٸرٸپ جاتىر. «گەنا – بٸز ٷشٸن بەرٸبٸر چەمپيون», «گەنا – سەن ٷزدٸكسٸڭ» دەگەن سٶزدەردٸ ايتپاعان وتانداسىمىز كەمدە-كەم شىعار. ەرتەڭ ول ەلگە ورالعان سوڭ دا جانكٷيەرلەر قۇشاق جايا قارسى الىپ, تٶرٸنە شىعارىپ, مينيستر-ەكٸمدەر كابينەتٸندە جەكە قابىلداپ, كەۋدەسٸنە تەمٸر-تەرسەگٸن تاعاتىن شىعار. ەرينە, بۇل سپورتشى ٷشٸن ٷلكەن قولداۋ بولارى سٶزسٸز.
دەگەنمەن, تەك مورالدىق قولداۋ كٶرسەتۋمەن شەكتەلٸپ قالاتىن جاعداي ەمەس بۇل. گەناعا ناقتى قولداۋ كەرەك. ول سپورتتىق عۇمىرى اياقتالعان سوڭ دا كەسٸپقوي بوكس ەلەمٸندەگٸ بەلدٸ, بەدەلدٸ تۇلعا بولىپ قالۋى تيٸس. ونىڭ «GGG promotions» كومپانيياسى قازٸرگٸ وسكار دە لا حوييانىڭ «Golden boy promotions», بوب ارۋمنىڭ «تop Rank», ەددي حيرننٸڭ «Matchroom sport» كومپانييالارى سيياقتى كەسٸپقوي بوكس سالاسىنىڭ باستى ويىنشىلارىنىڭ بٸرٸنە اينالعانى دۇرىس. قازٸر تٷرلٸ پروموۋتەرلٸك كومپانييالاردىڭ بوساعاسىندا جٷرگەن باتىر جٷكەمباەۆ, دانييار ەلەۋسٸنوۆ, قانات يسلام, جان كوسوبۋتسكيي, يۆان دىچكو سىندى ٶزگە دە مىقتى جٸگٸتتەردٸ وسى «GGG promotions» كومپانيياسىنا جيناپ, سولارعا جاعداي جاساسا. شەبەرلٸكتەرٸ ەشكٸمنەن كەم ەمەس مىقتى بوكسشىلارىمىز سوندا قۇلقىنىنىڭ قامىن عانا ويلايتىن ٶزگەلەرگە جەم بولماي, ەرتەڭ-اق ەلەم چەمپيونى بولار ەدٸ. جەنە بولاشاقتا دا تالاي تالاناتتاردىڭ تانىلۋىنا جول اشىلار ەدٸ. بۇل جۇمىس جٷيەلٸ تٷردە جٷرگٸزٸلسە, ەلەمدٸك كەسٸپقوي بوكستا بٸزدٸڭ جٸگٸتتەر ەلەۋلٸ كٷشگە اينالار ەدٸ. جەڭٸپ تۇرعان جەكپە-جەكتەرٸندە جىعىپ بەرٸپ, تاپا-تال تٷستە توناۋ بولماس ەدٸ.
بٸراق, وعان گەنانىڭ بٸر ٶزٸنٸڭ شاماسى جەتپەسٸ انىق. وعان ەڭ باستىسى قوماقتى قارجى كەرەك. بٸزدٸڭ ٸرٸ كەسٸپكەرلەر مەن كومپانييالار باسىندا قارجىلاي قولداۋ كٶرسەتٸپ جٸبەرسە, اياعىنان نىق تۇرىپ العان سوڭ ٶزدەرٸ-اق شارۋاسىن دٶڭگەلەتە بەرەر ەدٸ. «سامۇرىق قازىنا» قورى سپورتتىق نەتيجەسٸ دە تٶمەن, يميدجدٸك ەسەرٸ دە شامالى جوبالارعا جۇمساپ جاتقان قاراجاتىنىڭ بٸر بٶلٸگٸن وسىعان باعىتتاسا تەك ۇتار ەدٸك. ٶيتكەنٸ, GGG برەندٸ قازاقستانمەن تٸكەلەي بايلانىستى. گەنا ارقىلى كەسٸپقوي بوكس ەلەمٸ قازاقستاندى تانىدى جەنە مويىندادى. اتاقتى پروموۋتەرلەردٸڭ قازاق بوكسشىلارىنا قىزىعۋشىلىق تانىتا باستاۋى دا - گولوۆكيننٸڭ ارقاسى. ەلٸمٸزدٸڭ حالىقارالىق يميدجٸن جاقسارتۋدا ول قانشاما قارجى جۇمسالعان باعدارلامالار مەن جوبالاردان دا ارتىق قىزمەت ەتتٸ.
ەندەشە, «GGG promotions» كومپانيياسىنا ەل بولىپ قولداۋ كٶرسەتۋ گەناديي گولوۆكيننٸڭ ەرەن ەڭبەگٸنە كٶرسەتٸلگەن قۇرمەت قانا ەمەس, قازاقستاندى سپورتتىق دەرجاۆا رەتٸندە تانىتا تٷسۋگە, ەلەمدٸك بەدەلٸن ارتتىرۋعا جاسالعان ناقتى قادام بولماق.
دانييار مەڭلٸبەكوۆتٸڭ فەيسبۋكتەگٸ جازباسىنان
