امەريكالىق بوكس ەۋەسقويلارى گەنناديي گولوۆكين (38-0-1, 34 كو) مەن ساۋل الۆارەس (49-1-2, 34 كو) اراسىندا ٶتەتٸن سەنبٸلٸك رەماتچتىڭ تٸكەلەي كٶرسەتٸلٸمٸن تاماشالاۋ ٷشٸن 85$ تٶلەيدٸ, دەپ حابارلايدى "ۇلت اقپارات" «SPORTINFORM» ساا-عا سٸلتەمە جاساپ.
GGG باپكەرٸ كانەلو كٶرەرمەندەرگە بىلتىرعىدان ەلدەقايدا مىقتى ايقاس كٶرسەتۋگە مٸندەتتٸ دەگەن پٸكٸردٸ ۇستانادى.
«ٶتكەن سەنبٸدە التى بوكسشى جەڭۋگە تىرىسقان ٷش جەكپە-جەكتٸ تاماشالادىق. كٶرەرمەندەر دەل وسىنى كٷتەدٸ. ەشكٸم بٸرەۋدٸڭ ايقاستان جالتارۋىن تاماشالاۋ ٷشٸن 90$ جۇمساعىسى كەلمەيدٸ. كانەلو دەل وسىنداي ىڭعايلى جولدى پايدالانا الادى. مەن كانەلوعا اقىلمەن جۇدىرىقتاسۋعا كەڭەس بەرەر ەدٸم. دەگەنمەن ول راۋندتاردا جەڭٸسكە جەتتٸ. ول مىقتى قورعانا الادى, جاقسى كونترپانچەر دەر ەدٸم. سوندىقتان دەل وسىلاي جۇدىرىقتاسسىن!», - دەدٸ سانچەس.
ەسكە سالايىق, 15 قىركٷيەكتە (قازاقستاندا - 16 قىركٷيەك, تاڭەرتەڭ) گەنناديي گولوۆكين ساۋل الۆارەسپەن لاس-ۆەگاستە كەزدەسەدٸ.
