گەرمانييادا ۆيرۋس جۇقتىرعان قازاقستان ازاماتىنىڭ جاعدايى جاقسارىپ, اۋرۋحانادان شىققان. قازٸر ول كارانتيندە, نەمٸس دەرٸگەرلەرٸنٸڭ باقىلاۋىندا. ال ۆەنگرييادا ۆيرۋس جۇقتىرعان قازاقستاندىقتىڭ جاعدايى بٸرقالىپتى. بۇل تۋرالى 24 ناۋرىزدا قازاقستان اقپارات جەنە قوعامدىق كەلٸسٸم مينيسترٸ دەۋرەن اباەۆ بريفينگتە حابارلادى.
بۇدان بٶلەك, اباەۆ قازاقستاندا دەرتكە شالدىققان 68 ادامنىڭ 29-ى ۆيرۋستى شەتەلدەن جۇقتىرىپ كەلگەنٸن, 26 ادام ۇشاقتا, 13 ادام قازاقستاندا جۇقتىرعانىن ايتتى.
مينيستردٸڭ سٶزٸنشە, قازاقستاندا ۆيرۋس تابىلعان ادامداردىڭ 80 پايىزىندا سيمپتوم جوق نە سەل قىزۋى كٶتەرٸلگەن.
قازٸر Covid-19 دەرتٸمەن الماتىدا - 29 ادام, نۇر-سۇلتاندا - 35 ادام, قاراعاندىدا - 2 ادام, الماتى وبلىسىندا - 1, اقتٶبە وبلىسىندا 1 ادام ەمدەلٸپ جاتىر. نۇر-سۇلتاندا بٸر ناۋقاس جاساندى اپپاراتقا قوسىلعان.
ايتا كەتەيٸك, 16 ناۋرىزدا كوروناۆيرۋسقا بايلانىستى قازاقستاندا تٶتەنشە جاعداي رەجيمٸ جارييالانعان بولاتىن. ال 19 ناۋرىزدان باستاپ نۇر-سۇلتان مەن الماتىدا كارانتين ەنگٸزٸلدٸ.
